Politike

"Harmonia fetare duhet kultivuar"/ Rama: Besoj që iftari është edhe për ateistët dhe nuk kanë pse t’i ikin ftesës

Gjatë fjalës së tij në promovimin e librit “Në Sofrën e Hënës”, Rama u shpreh se harmonia dhe vëllazëria fetare është diçka që duhet pasur parasysh dhe duhet kultivuar.

5 Mars 2026, 17:40 Nga E.d
"Harmonia fetare duhet kultivuar"/ Rama: Besoj që iftari
Foto ilustruse

TIRANË- Kryeministri Edi Rama tha se iftari është edhe për ateistët, për të cilët tha se nuk kanë pse t’i ikin ftesës. Gjatë fjalës së tij në promovimin e librit “Në Sofrën e Hënës”, Rama u shpreh se harmonia dhe vëllazëria fetare është diçka që duhet pasur parasysh dhe duhet kultivuar.

“Është e rëndësishme që të mos harrojmë se harmonia dhe vëllazëria fetare është diçka që duhet pasur parasysh dhe duhet kultivuar. Tradita e iftarit, përtej ritualit fetar, është edukatë sociale, mësim social sepse është unike. Ne nuk na mungojnë tavolinat; ne edhe diskutimet më të zjarrta i bëjmë duke ngrënë pula, por nuk e kemi dot këtë oportunitet që të jep tradita e iftarit: kur vjen në tavolinë, ndan bukën, por nuk je aty duke u prirur të shijosh ushqimin, por je i prirur të shijosh faktin që je bashkë me të tjerët. Kjo është edhe më e fortë dhe e shëndetshme. Në iftarin e parë ftova disa njerëz që nuk ishin mësuar më parë; njëri më çoi një mesazh shumë të egër kundër faktit që po organizoja një iftar në kryeministri. Besoj që iftari është edhe për ateistët dhe nuk kanë pse t’i ikin ftesës," tha Rama./Dosja.al

edi rama liber promovim

Sondazh

Poll