Politike

VanHorn takim me Dhomën Amerikane të Tregtisë: Diskutuam për rritjen e eksporteve dhe krijimin e kushteve të barabarta për të tërhequr biznese në Shqipëri

Ambasada e SHBA-së bën me dije se VanHorn dhe përfaqësuesit e Dhomës Amerikane diskutuan se si të rrisin eksportet dhe të krijojnë kushte të barabarta për të tërhequr më shumë biznese amerikane në Shqipëri.

26 Shkurt 2026, 16:38 Nga E. D

VanHorn takim me Dhomën Amerikane të Tregtisë: Diskutuam

TIRANË- E ngarkuara me Punë e SHBA, Nancy VanHorn ka mbajtur një takim me Bordin e Dhomës Amerikane të Tregtisë. Me anë të një reagimi në në rrjete sociale, ambasada e SHBA ka zbardhur diskutimet.

Ambasada e SHBA-së bën me dije se VanHorn dhe përfaqësuesit e Dhomës Amerikane diskutuan se si të rrisin eksportet dhe të krijojnë kushte të barabarta për të tërhequr më shumë biznese amerikane në Shqipëri.

“Duke përfaqësuar 270 kompani anëtare që gjenerojnë gati 25 përqind të PBB-së “së Shqipërisë, Dhoma Amerikane e Tregtisë në Shqipëri është një urë e rëndësishme midis investitorëve amerikanë dhe Shqipërisë, si dhe një motor për rritjen ekonomike.

E Ngarkuara me Punë Nancy VanHorn iu bashkua dje Dhomës Amerikane për të diskutuar strategjinë e tyre për rritjen e eksporteve dhe investimeve amerikane dhe krijimin e kushteve të barabarta për të tërhequr më shumë biznese amerikane në Shqipëri,” thuhet në reagimin e ambasadës./Dosja.al

nancy vanhorn ambasada e shba-së

Sondazh

Poll