Politike

“Sterilizimi”/ GJKKO mbyll shqyrtimin,  ja kur do të shpallet vendimi për të pandehurit

Në qershor të vitit 2025, SPAK lexoi pretencë, duke kërkuar dënimin me nga 6.8 vite burg për ish-zv.ministrin e Shëndetësisë Klodian Rrjepaj dhe biznesmenin Ilir Rrapaj. SPAK gjithashtu kërkoi 3 vjet e 6 muaj burg për tre ish-zyrtarët: Marsela Serjanaj, Sajmir Kadiu dhe Petref Mersini.

18 Shkurt 2026, 15:20 Nga E. D
“Sterilizimi”/ GJKKO mbyll shqyrtimin,  ja kur do të
foto ilustruese

TIRANË- Gjykata e Posaçme ka mbyllur shqyrtimin gjyqësor për dosjen “Sterilizimi”. Bëhet me dije se vendimi do të shpallet më datë 4 mars, në orën 15:30. Gjatë seancës, një prej të pandehurve, Sajmir Kadiu, ish-drejtor ekonomik, ka deklaruar se ka kaluar më shumë se 2 muaj nga dënimi që ka kërkuar prokurori dhe sipas tij, kjo nuk është proporcionale. Ai ka deklaruar gjithashtu se është ankuar në Apel e në Gjykatën e Lartë, por asgjë nuk ka ndryshyar.

“Kam 3 vjet në masë ‘arresti në shtëpi’. Ka kaluar më shumë se 2 muaj nga dënimi që ka kërkuar prokurori. Kjo nuk është proporcionale, jam ankuar në Apel e në Gjykatën e Lartë dhe asgjë”, tha Sajmir Kadiu. 

Në qershor të vitit 2025, SPAK lexoi pretencë, duke kërkuar dënimin me nga 6.8 vite burg për ish-zv.ministrin e Shëndetësisë Klodian Rrjepaj dhe biznesmenin Ilir Rrapaj. SPAK gjithashtu kërkoi 3 vjet e 6 muaj burg për tre ish-zyrtarët: Marsela Serjanaj, Sajmir Kadiu dhe Petref Mersini.

Ndërkohë, të pandehurve Serjanaj dhe Kadiu, nga gjykimi i shkurtuar, dënimi u konvertohet në 2 vjet e 4 muaj burg, ndërsa Mersinit në 4 vjet shërbim prove. Ndërsa, për mjekun Arben Gjata, SPAK ka kërkuar që dënimi me 1 vit e 4 muaj burg t’i konvertohet në 3 vite shërbim prove.

Po ashtu, edhe për Genc Byrazeri dhe Naile Ajazi u kërkua nga 2 vjet shërbim prove. Gjithashtu për çështjen e “Sterilizimit”, ish-ministri i Shëndetësisë Ilir Beqaj, i akuzuar për vjedhje duke shpërdoruar detyrën në kuadër të grupit të strukturuar kriminal, po gjykohet veçmas me procedurë të zakonshme.

Sterilizimi

Ish-ministri, Ilir Beqaj është i pandehur për dosjen e koncesionit të sterilizimit, ndërsa më 18 mars iu komunikua edhe akuza shpërdorim detyre e kryer në bashkëpunim. Ndaj Beqajt rëndojnë akuzat “Shpërdorim detyre”, e kryer në bashkëpunim. Hetimi SPAK është kryer për koncesionin “shërbime të integruara për ofrimin e setit të personalizuar të instrumenteve kirurgjikale, furnizimin me material mjekësor steril njëpërdorimësh në sallat kirurgjikale, si dhe trajtimin e mbetjeve biologjike dhe dezinfektimin e sallave kirurgjikale”, në kohën kur Beqaj drejtonte ministrinë e Bujqësisë.

Për sterilizimin janë marrë të pandehur edhe 8 të tjerë, mes tyre ish-zv-ministri Klodian Rrjepaj dhe përfituesi i Koncesionit Ilir Rrapaj të dy në pranga që prej gushtit të vitit të kaluar. Në gjykim do të shkojnë edhe 6 ish-zyrtarë të Ministrisë së Shëndetësisë të cilët kanë qenë anëtarë të Komisionit të koncesionit të sterilizimit./Dosja.al

dosja sterilizimi

Sondazh

Poll

MË SHUMË