Politike

Gjyqi në Hagë, Krasniqi: Jemi burgosur padrejtësisht! Qëndroj këtu jo si një kriminel, por si njeri i kalitur në luftra

Krasniqi u shpreh se pjesën më të madhe të jetës së tij e ka kaluar i udhëhequr nga bindja se qeniet njerëzore meritojnë të jetojnë në liri.

18 Shkurt 2026, 15:21 Nga E.d
Gjyqi në Hagë, Krasniqi: Jemi burgosur
Jakup Krasniqi

HAGË– Ish-kryetari i Kuvendit të Kosovës dhe ish-zëdhënësi i UÇK-së, Jakup Krasniqi, ka deklaruar se qëndron para trupit gjykues, jo si një kriminel, por si njeri i kalitur në luftra. 

Krasniqi u shpreh se pjesën më të madhe të jetës së tij e ka kaluar i udhëhequr nga bindja se qeniet njerëzore meritojnë të jetojnë në liri. Ai tha se prej më shumë se pesë vitesh i janë mohuar të drejtat e njeriut, dhe liri themelore, ndër to më e rëndësishme është e drejta për të jetuar në liri.

“Përshëndes gjithë qytetarët e Kosovës që dje festuan pavarësinë e tyre. Qytetarët që jetojnë në liri, në pavarësi dhe me drejtësi. Qëndroj sot këtu jo si një kriminel, por si një njeri i lindur dhe kalitur në luftra për dinjitet në një popull që refuzoj që të zhdukej nga politikat e krimit të Serbisë. Pjesën më të madhe të jetës e kam kaluar i udhëhequr nga bindja se qeniet njerëzore meritojnë të jetojnë në liri.

Pas 5 vitesh burg të padrejtë e të panevojshëm, angazhimin tim politik e jetësor për liri jam angazhuar që herët. Për më shumë se 5 vjet, besoj se më janë mohuar të drejtat e njeriut, dhe liri themelore, ndër to më e rëndësishme është e drejta për të jetuar në liri, veçanërisht e drejta e një njeriu në fazën e fundit të jetës së tij për të jetuar vitet e mbetura me dinjitet pranë familjes dhe në atdheun e lirë. Kjo më është bërë pa i shkaktuar padrejtësi askujt. Kam rrezikuar jetën time jo vetëm gjatë luftës, por që nga vitet 1972, së bashku me familjen time. Me besimin se errësia e padrejtësisë do të thyhej me agimin e shpresës, kjo është arsyeja pse u angazhova për clirim e barazi për të gjithë. Kur dola hapur e emrin tim të plotë si zëdhënës i UÇK, rreziqet ishin të jashtëzakonshme.” u shpreh ai./Dosja.al

jakup krasniqi haga kosova

Sondazh

Poll

MË SHUMË