Politike

Fondi Social 2026/ Rama: Skemë financiare për familjet që kujdesen për fëmijët jetimë

Gjatë fjalës së tij në eventin për 'Fondin Social 2026', Rama theksoi se po bëhen të gjitha përpjekjet për të krijuar mundësi për të nxitur rastet e familjeve kujdestare për fëmijët jetimë. 

11 Shkurt 2026, 10:55 Nga I.A
Fondi Social 2026/ Rama: Skemë financiare për familjet që
Edi Rama

TIRANË- Kryeministri Edi Rama ka treguar sot 14 shërbimet e reja sociale që iu ofrohen fëmijët, apo dhe nënave në nevojë. Gjatë fjalës së tij në eventin për 'Fondin Social 2026', Rama theksoi se po bëhen të gjitha përpjekjet për të krijuar mundësi për të nxitur rastet e familjeve kujdestare për fëmijët jetimë. 

Kryeministri vlerësoi mbështetjen e Bashkimit Europian dhe Komisionit Europian, duke e cilësuar BE-në si mekanizmin më të sofistikuar të mbështetjes sociale.

"Nga ana tjetër, bazuar edhe në mënyrën se si funksionon shoqëria jonë ku ende nuk është plotësisht e perëndizuar, është mirë të shtyjmë përfshirjen e familjeve të cilat janë më shumë të gatshme të futen në skemë e të kujdesen për fëmijë që kanë nevojë për një strehë dhe dashuri. Duhet të nxiten sa më shumë familje që të marrin pjesë në këtë përkujdesje sociale dhe duhen gjetur mekanizmat e financimit bashkërisht me pushtetin vendor. Qëllimi është të përcillet sensi i kësaj qasje dhe të arrihet që të bëhet puna e domosdoshme që familjet t’u bashkohen kësaj qasje dhe të cilave duhet t’i bashkohet një fond i veçantë. Fondi është 17 % më i lartë këtë vit se sa viti i kaluar. Po ashtu duhet të rrisim edhe cilësinë e jetës nën strehët e kujdesit shoqëror.

Ne kemi nisur një proces në Tiranë me transformimin e kushteve për jetimoren e shtëpinë e përkujdesjes, “Zyber Hallulli” dhe është mirë që të shohim me bashkitë të tjera mundësi. Në mbyllje dua të falënderoj, ambasadorin e delegacionit, pasi e gjitha kjo nuk do ndodhte pa mbështetjen e Komisionit Europian, është një vizion bazuar në një strategji që e përgëzoj. Ndërveprimi me KE na ka ndihmuar shumë edhe me procesin e negociatave për anëtarësim. Si momente që përcaktojnë rritjen e nivelit të cilësisë në çdo sektor. Sigurisht BE është mekanizmi më i sofistikuar i mbështetjes dhe qenies sociale dhe zotëron rrjetin më të avancuar. Mësimet e marra në këtë proces janë përkthyer në një rezultat," tha Rama./Dosja.al

edi rama fondi social 2026

Sondazh

Poll

MË SHUMË