Politike

Kërkon përjashtimin e gjyqtares Etleva Deda për shqyrtimin e çështjes/ GJKKO rrëzon kërkesën e Erion Veliajt

Veliaj e kishte depozituar kërkesë, si pjesë e procesit penal ku ai është i përfshirë, por është konsideruar e pabazuar ligjërisht dhe pa argumente të mjaftueshme për të justifikuar përjashtimin e gjyqtares.

6 Shkurt 2026, 17:13 Nga E. D
Kërkon përjashtimin e gjyqtares Etleva Deda për shqyrtimin e
Erion Veliaj

TIRANË- GJKKO ka rrëzuar kërkesën e kryetarit të Bashkisë së Tiranës, Erion Veliaj, për përjashtimin nga procedure e gjyqit të gjyqtares Etleva Deda. Veliaj e kishte depozituar kërkesë, si pjesë e procesit penal ku ai është i përfshirë, por është konsideruar e pabazuar ligjërisht dhe pa argumente të mjaftueshme për të justifikuar përjashtimin e gjyqtares.

Pra gjyqtarja, Etleva Deda do të vazhdojë të marrë pjesë në procedurat gjyqësore, duke vijuar shqyrtimin e çështjes penale që ka të bëjë me hetimet ndaj Veliajt. Kërkesa për përjashtim u paraqit pas një përplasjeje gjatë një seance paraprake të dosjes, ku ana e mbrojtjes argumentoi se gjyqtarja kishte sjellje të paligjshme.

Për çfarë akuzohet Veliaj?

SPAK ka përfunduar hetimet dhe ka dërguar për gjykim në Gjykatën e Posaçme të Shkallës së Parë dosjen e kryebashkiakut Erion Veliaj. Në dosjen e kopsitur nga SPAK 13 akuza që rëndojnë mbi Veliajn dhe 12 akuza që rëndojnë mbi bashkëshorten e tij, Ajola Xoxa. Në përfundim të hetimeve paraprake, ka rezultuar se Veliaj dhe Xoxa, në bashkëpunim mes tyre, në 9 raste të veçanta, kanë marrë përfitime të parregullta në formën e shumave monetare dhe pasurive të paluajtshme, nga subjekte tregtarë dhe organizata jofitimprurëse, të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë.

Nga hetimi penal janë grumbulluar të dhëna konkrete, të cilat provojnë se Veliaj, në cilësinë e Kryetarit të Bashkisë Tiranë, me nënshkrimin e tij ka miratuar në çdo rast shpërndarjen e këtyre fondeve, të cilat më pas kanë përfunduar tek OJF-të e kontrolluara nga bashkëshortja e tij dhe individë të afërt me të. Gjithashtu, këta të pandehur, për shkak të funksionit që kryen Veliaj, kanë përfituar në mënyrë të parregullt edhe pasuri të paluajtshme në vlerë të konsiderueshme nga subjekte tregtarë që kanë marrë fonde publike dhe leje ndërtimi nga Bashkia Tiranë.

Në të gjitha këto episode të pandehurit, në bashkëpunim me njëri tjetrin, kanë konsumuar elementët e veprës penale të parashikuar nga neni 260 i Kodit Penal. Shoqëritë me përgjegjësi të kufizuar si edhe organizatat jofitimprurëse të lartpërmendura, duke dhënë përfitime të parregullta për shkak të detyrës që kryen i pandehuri Erion Veliaj, kanë konsumuar elementët e parashikuar nga neni 245 i Kodit Penal./Dosja.al

erion veliaj

Sondazh

Poll

MË SHUMË