Aktualitet

SPAK zbuloi marrje parash dhe ndërhyrje te vendimet për masa sigurie/ GJKKO dënon tre persona për ndikim të paligjshëm mbi zyrtarë të drejtësisë (EMRAT)

Në lidhje më këtë akuzë, Musa Gjikola u dënua fillimisht me 1 vit e 6 muaj burg, por për shkak të gjykimit të shkurtuar dënimi iu ul në 1 vit burg.

5 Shkurt 2026, 16:45 Nga E.d
SPAK zbuloi marrje parash dhe ndërhyrje te vendimet për masa sigurie/
Foto ilustruse

TIRANË- Gjykata e Posaçme kundër Korrupsionit dhe Krimit të Organizuar ka shpallur fajtorë Musa Gjikola, Erjon Dani dhe Vilson Roçi. Ata akuzohen për veprën penale të ushtrimit të ndikimit të paligjshëm ndaj personave që ushtrojnë funksione publike.

Gjykimi u zhvillua me procedurë të shkurtuar, pas kërkesës së Prokurorisë së Posaçme. Në lidhje më këtë akuzë, Musa Gjikola u dënua fillimisht me 1 vit e 6 muaj burg, por për shkak të gjykimit të shkurtuar dënimi iu ul në 1 vit burg.

Erjon Dani u shpall fajtor për dy episode të ushtrimit të ndikimit të paligjshëm dhe u dënua me 2 vite burg. Dani u shpall i pafajshëm për akuzën e shpërdorimit të detyrës.

Ndërsa i akuzuari i tretë, Vilson Roçi u dënua për dy episode të ushtrimit të ndikimit të paligjshëm dhe u dënua me 1 vit burg. Gjykata vendosi gjithashtu që shpenzimet procedurale dhe gjyqësore të paguhen nga personat e shpallur fajtorë./Dosja.al

spak gjkko musa gjikola

Sondazh

Poll

MË SHUMË