Aktualitet

Gjyqi për “Plumbin e artë”/ Dëshmia Hoxhajt për porosinë e vrasjes së Sokol Sanxhaktarit: Po, se nuk u mbarua puna, pra…

I pyetur nga prokurori i çështjes se kush ishte i interesuar për të goditur Sanxhaktarin, Hoxhaj u shpreh se, kishte marrë një 'ofertë' prej 200 mijë euro nga i pandehuri i drejtësisë Nuredin Dumani. 

5 Shkurt 2026, 15:02 Nga D.S
Gjyqi për “Plumbin e artë”/ Dëshmia Hoxhajt për
Sokol Sanxhaktarin dhe Henrik Hoxhaj

TIRANË-  Një nga të pandehurit e dosjes “Plumbi i artë”, Henrik Hoxhaj ka rrëfyer sot në Gjykatën e Posaçme porosinë e vrasjes së Sokol Sanxhaktarit, dhëndrit të ish-kryebashkiakut të ndjerë të Elbasanit, Qazim Sejdini.

I pyetur nga prokurori i çështjes se kush ishte i interesuar për të goditur Sanxhaktarin, Hoxhaj u shpreh se, kishte marrë një 'ofertë' prej 200 mijë euro nga i pandehuri i drejtësisë Nuredin Dumani. Gjithashtu Hoxhaj tha se Dumani nuk i kishte thënë se kush ishte investitori duke shtuar se i kishte komunikuar se 'shënjestra' është dhëndri i kryetarit të Bashkisë së Elbasanit. 

Hoxhaj: "Ndërsa po përgatitesha për vrasjen e vëllezërve Haxhia, diskutuam me Nuredin Dumanin për një punë tjetër. Ai fliste në telefon gjithë kohën. Kishte ditëlindjen atë dite. Nuk e di me kë. Më tha për Sokol Sanxhaktarin."

Prokurori: Kush ishte i interesuar për të goditur Sokol Sanxhaktarin?

Hoxhaj: “Unë kam marrë një ofertë, tha Nuredin Dumani, për Sokol Sanxhaktarin. Më tha se do bënim takim. Jepeshin 200 mijë euro. Më pyeti nëse isha i interesuar. Por mbeti këtu, nuk u bë më shumë muhabet. Nuk më tha kush ishte investitori. Nuk më është përmendur Suel Çela. Më tha se është dhëndri i kryetarit të Bashkisë së Elbasanit. Nuk më tha pse, o prokuror. Nuk mbaj mend të jetë përmendur më”.

Prokurori: Një Bledar Muça, a ju ka thënë ndonjë gjë Nuredini?

Hoxhaj: "Jo. Nuk kam qenë i interesuar. Nuk u morëm më me Sokolin, se u morëm me atë çfarë ishim aty. Ditën e arrestimit të Sokolit nuk e di a kam biseduar apo jo, se nuk më ka interesuar.

Prokurori: "Në 30 korrik 2020, kur Sokol Sanxhaktari vrau Florian Lamçen, Nuredini të ka shkruar ty: Na humbën 200 mijë euro.

Hoxhaj: Po, se nuk u mbarua puna, pra…/Dosja.al

nuredin dumani henrik hoxhaj sokol sanxhaktari plumbi i arte

Sondazh

Poll

MË SHUMË