Aktualitet

VIDEO/ Kundërshtoi urdhrin për kontroll dhe tentoi të largohej me shpejtësi duke rrezikuar jetën e punonjësve të policisë! Arrestohet 42-vjeçari nga Maqedonia

Sipas njoftimit të policisë, 42-vjeçari, G. K., banues në Maqedoni, akuzohet për “Kundërshtim të punonjësit të rendit publik” dhe “Kalim të paligjshëm të kufirit”.

3 Shkurt 2026, 13:12 Nga D.S

VIDEO/ Kundërshtoi urdhrin për kontroll dhe tentoi të largohej me

DIBËR- Policia ka arrestuar një 42 vjeçar pasi ka kundërshtuar urdhrin e punonjësve të Policisë dhe ka tentuar të largohej me shpejtësi, duke rrezikuar jetën e efektivëve. Sipas njoftimit të policisë, 42-vjeçari, G. K., banues në Maqedoni, akuzohet për “Kundërshtim të punonjësit të rendit publik” dhe “Kalim të paligjshëm të kufirit”.

Uniformat blu bëjnë me dije se, automjeti i tij është sekuestruar ndërsa materialet procedurale i janë referuar Prokurorisë pranë Gjykatës së Shkallës së Parë Dibër për veprime të mëtejshme ligjore.

Njoftimi i Policisë: 

"Më datë 02.02.2026, rreth orës 17:20, është paraqitur në dalje të Republikës së Shqipërisë me automjetin e tij, shtetasi G. K., 42 vjeç, banues në Republikën e Maqedonisë së Veriut, ku gjatë procesit të regjistrimit i është kërkuar që, së bashku me automjetin, të kalonte për kontroll të imtësishëm në vijën e dytë.

42-vjeçari ka kundërshtuar urdhrin e punonjësve të Policisë dhe ka tentuar të largohej me shpejtësi, duke rrezikuar jetën e punonjësve të Policisë. Në përfundim të veprimeve hetimore u bë arrestimi në flagrancë i shtetasit G. K., për veprat penale “Kundërshtimi i punonjësit të rendit publik” dhe “Kalimi i paligjshëm i kufirit”, si dhe iu sekuestrua automjeti me të cilin lëvizte. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme."/Dosja.al

rrestohet 42-vjeçari nga maqedonia diber kundershtoi policet

Sondazh

Poll

MË SHUMË