Aktualitet

Atentati në Lezhë/ Përmirësohet gjendja e Sokol Dacit që u plagos gabimisht në berberhane

Sipas burimeve parprake mësohet se, Daci vazhdon të jetë i intubuar në reanimacion megjithatë raportohet për përmirësime.

3 Shkurt 2026, 11:45 Nga D.S

Atentati në Lezhë/ Përmirësohet gjendja e Sokol Dacit

LEZHË- Është përmirësuar gjendja shëndetësore e Sokol Dacit, 30-vjeçarit i cili mbeti i plagosur aksidentalisht në berberhanen e tij tre ditë parë në Lezhë. Sipas burimeve parprake mësohet se, Daci vazhdon të jetë i intubuar në reanimacion megjithatë raportohet për përmirësime.

Ai mori katër plumba teksa ndodhej në biznesin e tij dhe ka probleme në zonën abdominale. Atentati në Rrilë të Lezhës kishte një tjetër shënjestër, Merando Nikulajn. Policia e Lezhës shpalli në kërkim 4 persona, tre të rinj nga fisi Ndoka dhe Merando Nikulajn, i shoqëruar nga polici me iniciale B.K., i cili u ndalua me urdhër të prokurorisë për veprën penale të “shpërdorimit të detyrës”.

Dyshohet se ky atentat vjen nga një sherr i ndodhur më 9 mars të vitit 2025 në Shëngjin, ku të përfshirë kanë qenë Eliseo dhe Gerardo Ndoka. Mirëpo policia njoftoi se mes tyre kishte ndodhur një aksident rrugor dhe jo përplasje./Dosja.al

 

sokol daci merando nikulaj atentati ne lezhe lezhe

Sondazh

Poll

MË SHUMË