Politike

Konferenca e Kryetarëve/ Zhupa i kthehet Ballës: Rama ju trajton si kartona dhe ushtarë pa personalitet

Gjatë mbledhjes së Konferencës së Kryetarëve, Zhupa u shpreh se Rama i trajton deputetët e tij si ushtar pa personalitet dhe kartona vetëm për miratimin e projektligjeve.  

19 Janar 2026, 11:51 Nga I.A
Konferenca e Kryetarëve/ Zhupa i kthehet Ballës: Rama ju trajton si
Ina Zhupa

TIRANË- Deputetja demokrate Ina Zhupa ka kundërshtuar socialistët, të cilët sesionin e kaluar parlamentar e kanë quajtur një sukses. Gjatë mbledhjes së Konferencës së Kryetarëve, Zhupa u shpreh se Rama i trajton deputetët e tij si ushtar pa personalitet dhe kartona vetëm për miratimin e projektligjeve.  

“Duhet të kesh guxim të tepruar dhe pafytyrësi të thuash që sesioni i kaluar ishte sukses dhe dhënie hapësire për deputetët e opozitës. Treguesi kohor që citon Balla, ku opozita ka folur 48 orë dhe mazhoranca 40 orë, tregon që paskeni folur shumë. Sepse Edi Rama ju trajtoi si kartona dhe ushtarë pa personalitet, teksa ju tha: ju mos diskutoni, por vetëm miratoni projektligje. Edhe në këtë porosi, ku askush nga ju s’e kundërshtoi, ju ftoj që këtë sesion të flisni 4 orë gjithsej, sepse atë rol ua kanë dhënë: si kartona.

Opozita kërkon mbledhjen e Këshillit të Mandateve sipas rregullores, ju e shkelni. Opozita kërkon mocion me debat për problemet e shqiptarëve, ju e mohoni. Opozita kërkon interpelanca me kryeministrin, ju s’i lejoni. Për çfarë flisni atëherë? Mjafton të shikosh edhe këtë projekt-kalendar: asnjë nga projektligjet e deputetëve të opozitës nuk ka një datë për shqyrtim. Zero, asnjë, sa për sy e faqe. Data kanë vetëm projektligjet e qeverisë dhe ato të deputetëve tuaj, që nuk i kanë bërë as vetë, por i sjellin të qeverisë për të shmangur procesin e konsultimit publik.

S’keni as guxim t’i fusni dhe t’i rrëzoni, sepse nuk thoni dot publikisht që kundërshtoni interesin qytetar. Rri në sirtar projektligji im për pagat e mësuesve, heqja e 5-mijë lekëshit të kategorisë. Nuk e fusni, sepse nuk e rrëzoni dot, por as nuk e miratoni, sepse s’ju lë qeveria. Ky është realiteti i një parlamenti që nuk respekton asgjë dhe nuk ka asnjë rol përtej dëshirave dhe vullnetit të Edi Ramës”, tha Zhupa./Dosja.al

ina zhupa konferenca e kryetarëve

Sondazh

Poll

MË SHUMË