Politike

Berisha: Salianji është vetëpërjashtuar! Ndarja me këta njerëz nuk na dobëson, por na forcon

Kryedemokrati theksoi se veprimet e tij janë private dhe nuk lidhen me PD-në, duke nënvizuar se interesi personal i individëve nuk mund të shfrytëzojë organizatën për qëllime të paligjshme.

17 Janar 2026, 12:42 Nga I.A
Berisha: Salianji është vetëpërjashtuar! Ndarja me këta
Sali Berisha

TIRANË-  Kryedemokrati Sali Berisha ka deklaruar sot se Ervin Salianji është vetëpërjashtuar nga Partia Demokratike. Gjatë bashkëbisedimit me qytetarët, Berisha tha se ndarja me njerëz të tillë nuk e dobëson, por e forcon partinë.

Kryedemokrati theksoi se veprimet e tij janë private dhe nuk lidhen me PD-në, duke nënvizuar se interesi personal i individëve nuk mund të shfrytëzojë organizatën për qëllime të paligjshme.

"Salianjit t’i përgjigjeni si një njeri që ka përjashtuar veten nga PD. I dashur Arbër, as ti, as unë dhe asnjë njeri, asnjë njeri, nuk është përgjegjës për aktet e paligjshme ndaj atyre që janë përgjegjës për aktet e tyre të paligjshme. Ndaj atyre që mbrojnë interesa të paligjshme. Nuk ka asnjë përgjegjësi. Ndaj dhe u garantoj që ai ka vetëm interesa private, strikt private, të faktuara me dokumente, ndaj dhe i është thënë anëtarësisë se ai zotëria ka përjashtuar veten nga PD. Kemi një nen ne, neni 24 i statutit, kur kapesh në shkelje flagrante të tij, dhe të detyrojnë pastaj të shëtisësh poshtë e përpjetë, ajo është veprimtari private e jotja, nuk ka asnjë lidhje me PD-në.

Kjo është përgjigjia ime për ju dhe çdo demokrat. Mos harroni një gjë, opozitarizmi është i vështirë, nuk është i thjeshtë, dhe të mos mendojë kush se ndarja me këta njerëz, e dëmton PD-në. U garantoj se e forcon. A e patë tjetrin? Disa vrapojnë drejtora, disa vrapojnë andej, nuk na duhen ne këta Arbër, ata janë mish i huaj në opozitë. Ata nuk janë opozitarë, janë pseudoopozitarë. Ne duhet të qëndrojmë parti e hapur pa asnjë mëdyshje, por kurë ndaj atyre që interesave të tyre personale përpiqen të shfrytëzojnë partinë për të avancuar interesa të paligjshme apo veprimtari në shkelje të rënda të ligjeve. Jo, atë nuk e bëjmë ne. Nuk jemi ne avoketër. Ne jemi parti e shtetit ligjor dhe i qëndrojmë asaj," tha Berisha./Dosja.al

ervin salianji sali berisha

Sondazh

Poll

MË SHUMË