Politike

Rama: Fond 20 milionë euro në mbështetje të zhvillimit rural, do vendosen në shërbim të kullimit

Gjatë fjalës së tij në takimin me kryebashkiakët në Golem, Rama u shpreh se ky fond do të vendoset në shërbim të kullimit. 

17 Janar 2026, 12:23 Nga I.A
Rama: Fond 20 milionë euro në mbështetje të zhvillimit
Edi Rama

TIRANË- Kryeministri Edi Rama ka deklaruar ditën e sotme se do të ketë një fond në dispozicion prej 20 milionë euro në mbështetje të zhvillimit rural. Gjatë fjalës së tij në takimin me kryebashkiakët në Golem, Rama u shpreh se ky fond do të vendoset në shërbim të kullimit. 

Rama në fund shtoi se fondi prej 20 milionë eurosh është i siguruar nga Emiratet e Bashkuara.

"Një tjetër element që ndikon në këto situata emergjencash është niveli i rezistencës së infrastrukturës mbrojtësve, kam parasysh kanalet e kullimit, argjinaturat, hidrovoret. Analiza tregon se ka pika ku rezistenca është më e dobët, për këtë arsye duhet të vendosim me shumë saktësi piketat për të forcuar më tej infrastrukturën mbrojtëse dhe nga ana tjetër për të adresuar të gjitha ato aspekte që kanë të bëjnë me fuqizimin e ndërveprimit mes pushteteve. Demo ka propozuar dhe ka gjetur mbështetje është që me një fond të siguruar nga miqtë tanë të cmuar të Emirateve të Bashkuara prej 20 mln eurosh në mbështetje të zhvillimit rural të blejmë një sasi domethënëse mjetesh që vendosen në shërbim të kullimit, pastrimit të kanaleve kulluese dhe të funksionojnë sipas nevojave të bashkive. E kemi një shembull në Dibër, ka funksionuar më së mirë, është koha të rrisim kapacitetin, sipas qarqeve dhe kështu kjo flotë përqëndron më shumë forca ku ka më shumë emergjenca ose në ditët e punës normale do të jetë një forcë e shtuar për të gjitha bashkitë sipas sasisë së kanaleve për t’u pastruar dhe mirëmbajtur sipas nevojës për të adresuar edhe problemin e argjinaturave. Është ministri që do e cojë përpara këtë projekt," tha Rama./Dosja.al

edi rama

Sondazh

Poll

MË SHUMË