Politike

“U përpoq qeveria dhe nuk më gjetën gjë”/ Salianji u përgjigjet akuzave: Kam vetëm një lidhje, denoncimin e çdo bande kriminale në vend

Salianji tha se ndaj tij janë përdorur prej vitesh të gjitha mekanizmat shtetërore pa gjetur asnjë provë. Sipas ish-deputetit demokrat, e vetmja “lidhje” që ai ka është me denoncimin e grupeve kriminale.

15 Janar 2026, 22:27 Nga E. D
“U përpoq qeveria dhe nuk më gjetën gjë”/
Ervin Salianji

TIRANË- Ish-deputeti i Partisë Demokratike, Ervin Salianji, ka reaguar ndaj akuzave të bëra nga sekretari i Përgjithshëm i PD, Flamur Noka, i cili e ka akuzuar se takimi i tij me demokratët është organizuar nga krimi i organizuar dhe konkretisht nga Suel Çela.

I ftuar në studion e emisionit “Kjo Javë”, Salianji, i cili ka nisur një lëvizje me strukturat e PD-së në mbarë vendin, ndërsa lidershipi e ka shpallur “të vetëpërjashtuar”, tha se ndaj tij janë përdorur prej vitesh të gjitha mekanizmat shtetërore pa gjetur asnjë provë. Sipas ish-deputetit demokrat, e vetmja “lidhje” që ai ka është me denoncimin e grupeve kriminale.

“Është përpjekur gjithë qeveria me prokurori, polici e të gjitha dhe nuk më kanë gjetur asgjë. Më hoqën mandatin e deputetit sepse i mundja, pasi nuk më gjenin dot akuza, më dënuan për fjalën. Në politikë ka përgjegjësi për fjalën. Mes kolegësh ka një kujdes. Thuhet një akuzë dhe mbahet. I është përgjigjur zotëria i Elbasanit, ka nxjerrë foto me këtë, atë që akuzoi. Me këtë njeriun që nxorrët ju.

Unë kam vetëm një lidhje: denoncimin e çdo bande kriminale në vend. Jam denoncuesi më i madh i krimit. Unë jam drejtuesi i krimit të organizuar sipas gomarllëqeve. Qëllimi i gjithë këtij gomarllëku është të hiqet fokusi nga idetë. Ta zëmë se unë kam probleme, nxirre faktin dhe ta gjykojë publiku”, tha Salianji./Dosja.al

ervin salianji

Sondazh

Poll

MË SHUMË