Politike

"Vendi ka mundësi të eci përpara"/ Bardhi: Me protesta duam të largojmë Ramën dhe të ndryshojmë modelin e qeverisjes në Shqipëri

Gjatë një interviste televizive në emisionin ‘Çim Peka LIVE’ , Bardhi u shpreh se ajo që ka për detyrë opozita është të bind qytetarët që t'i bashkohen në protestat që ka thirrur.

15 Janar 2026, 21:16 Nga E.d
"Vendi ka mundësi të eci përpara"/ Bardhi: Me protesta
Foto ilustruse

TIRANË- Kreu i grupit parlamentar të PD, Gazmend Bardhi ka deklaruar ditën e sotme se opozita me anë të protestave, kërkon të largojë Ramën nga qeveria dhe të ndryshoj modelin e qeverisjes në Shqipëri. Gjatë një interviste televizive në emisionin ‘Çim Peka LIVE’ , Bardhi u shpreh se ajo që ka për detyrë opozita është të bind qytetarët që t'i bashkohen në protestat që ka thirrur.

Ai tha se këto duhet të jenë protesta të qëndrueshme dhe se qytetarët, duhet të jenë atje vetë së bashku opozitën. Bardhi u shpreh se Edi Rama dhe qeverisja e tij e korruptuar nuk e lë Shqipërinë të ec përpara.

"Gjithë këto që skandale që po ndodhin apo që kanë dalë sot në të provuara në opinionin publik, ka me vite që i thotë. Fakti që pas AKSHI-t fshihet bashkëshortja e kryeministrit, opozita, kryetari i opozitës, secili prej nesh ka vite që e thonë. Pra, fakti që sot prokuroria i provon këto akuza të opozitës të opozitës tregon dhe një gjë, që opozita e ka bërë detyrën e vet.

Ajo që ka për detyrë opozita është pa diskutim, pa e fokusuar debatin tek a e bën mirë apo e bën keq punën opozita, është të bind qytetarët që t'i bashkohen në protestat që ne kemi thirrur dhe që do të duhej të jenë të vazhdueshme ashtu siç kemi thënë që nga dita e parë. Pra nuk duhet të jenë protesta periodike një herë në tre javë apo një herë në muaj, por duhet të jenë protesta të qëndrueshme dhe qytetarët duhet të jenë atje vetë së bashku me ne.

Sepse secili prej nesh, unë i pari, apo Sali Berisha, kryetari i partisë, nuk kërkon të largojë Edi Ramën që të vijmë ne në pushtet dhe të sillemi një lloj me Edi Ramën. Ne kërkojmë të ndryshojmë modelin e qeverisjes në vend. T'i bindim shqiptarët që me këtë model që kemi nuk shkojmë dot përpara, sepse nga vjedhja e tyre vuajmë çdo ditë pasojat në jetën tonë, në familjet tona dhe t'i ofrojmë Shqipërisë atë mundësi që ajo e ka.

Shqipëria ka mundësi të eci përpara. Edi Rama dhe qeverisja e tij e korruptuar nuk e lë të eci përpara. Dhe këtu ka nevojë për më shumë sesa po themi mbështetësit tradicional të Partisë Demokratike.

Nëse ne nuk ndërgjegjësohemi të gjithë si shoqëri, përfshirë edhe këtë qytetarin socialist bio, që paska biseduar me ty. Nuk do të duhet të presë të dali video e Edi Ramës me Ergys Agasin, se që Edi Rama e ka emëruar koordinator me krimin e organizuar ë Ergys Agasin, mjafton të dali në Tiranë edhe i ka faktet sheshit.

Mjafton të shikojë sot strukturën e Policisë së Shtetit dhe e kupton që ato e komandon ë pra nuk komandon Edi Ramam Ergys Agasin, është Ergys Agasi që komandon Edi Ramën, sa i emëron nga drejtori i përgjithshëm i policisë dhe të gjithë drejtorët dhe drejtuesit e tjerë të Policisë së Shtetit nga shërbimi informativ i shtetit dhe të gjithë titullarët e institucioneve të tjera.Pra për këtë nuk ka nevojë për të patur video. Ky është një fakt i njohur, mjafton që të kesh sy dhe vesh për të dëgjuar dhe për të, për të parë", tha Gazment Bardhi./Dosja.al

gazmend bardhi opozita protesta

Sondazh

Poll

MË SHUMË