Aktualitet

"SPAK ta hetojë Emirjana Sakon"/ Protesta në Durrës, lirjana Kuçana: Kjo nuk është fatkeqësi natyrore, por nga njeriu

Ish-kandidatja për deputete në listën e hapur të PD në qarkun e Durrësit, Ilirjana Kuçana, ka deklaruar se në vitin 2025 ka bërë një kallëzim në SPAK për përmbytjet.

9 Janar 2026, 18:49 Nga E.d
"SPAK ta hetojë Emirjana Sakon"/ Protesta në Durrës,
Foto ilustruse

DURRËS- Banorët e qytetit të Durrësit kanë vijuar protestë. Ky tubim vjen pas situatës me motin e keq, i cili ka prekur qytetin dhe ka shkaktuar dëme të konsiderueshme në banesat dhe bizneset e tyre. Ish-kandidatja për deputete në listën e hapur të PD në qarkun e Durrësit, Ilirjana Kuçana, ka deklaruar se në vitin 2025 ka bërë një kallëzim në SPAK për përmbytjet.

Ajo tha se SPAK e ka deleguar në Durrës për moskompetencë. Sipas saj, ata janë grup i strukturuar kriminal dhe Emirjana Sako duhet të jetë pjesë e hetimit të SPAK. Në fund, ajo tha se kjo  nuk është fatkeqësi natyrore, por nga njeriu.

“Dy prindërit e mi janë përmbytur. Në 2025 kam bërë një kallëzim në SPAK për përmbytjet. Por SPAK e ka deleguar në Durrës për moskompetencë, por ata janë grup i strukturuar kriminal dhe Emirjana Sako duhet të jetë pjesë e hetimit të SPAK.

Por përmbytjet dhe dëmshpërblimin e kanë sjellë në Durrës dhe prokurorët e kanë larë me verën e Ergys Agasit 33 mijë euro. Dje kam bërë një tjetër kallëzim në SPAK për kryetaren e bashkisë, për përmbytjet sa herë bie shi. Kjo nuk është fatkeqësi natyrore, por nga njeriu”, tha Kuçana./Dosja.al

spak durrës protesta

Sondazh

Poll

MË SHUMË