Politike

Erdogan i dhuroi Shqipërisë një avion/ Gazeta turke: Nuk kemi aeroplanë për zjarret, por bëjmë shfaqje politike

Haber Hürriyeti nënvizon se sipas çmimeve të vitit 2025, avionët më të përdorur për shuarjen e zjarreve, Canadair CL-215, shiten rreth 5,5 milionë dollarë secili, por në tregun e dorës së dytë mund të gjenden edhe më lirë dhe teorikisht, mund të bliheshin edhe tre avionë të tillë.

25 Dhjetor 2025, 19:16 Nga E. D
Erdogan i dhuroi Shqipërisë një avion/ Gazeta turke: Nuk kemi
foto ilustruese

TIRANË- Gazeta turke, Haber Hürriyeti ka shkruar një artikull, pasi Presidenti Rexhep Taip Erdogan vendosi t'i dhurojë Kryeministrit Edi Rama një avion. Në artikull, Haber Hürriyeti shkruan se Turqia nuk ka aeroplanë për zjarret, por kjo që po bëhet është një shfaqje politike.

Gazeta turke shkruan se teksa Turkish Airlines do t’i dhurojë Shqipërisë një avion të modelit Airbus A319, me vlerë tregu rreth 11,9 milionë dollarë, prioritetet e Turqisë janë përcaktuar ndryshe, duke theksuar se me 12 milionë dollarë mund të bliheshin të paktën dy avionë zjarrfikës me kapacitet mesatar.

Haber Hürriyeti nënvizon se sipas çmimeve të vitit 2025, avionët më të përdorur për shuarjen e zjarreve, Canadair CL-215, shiten rreth 5,5 milionë dollarë secili, por në tregun e dorës së dytë mund të gjenden edhe më lirë dhe teorikisht, mund të bliheshin edhe tre avionë të tillë.

Artikulli i Haber Hürriyeti

Turkish Airlines do t’i dhurojë Shqipërisë një avion në kuadër të një marrëveshjeje ” të nënshkruar mes Turqisë dhe Shqipërisë. Marrëveshja mes Republikës së Turqisë dhe Republikës së Shqipërisë është botuar në Fletoren Zyrtare dhe ka hyrë në fuqi.

Sipas nenit 1 të marrëveshjes, Turkish Airlines do t’i dhurojë Shqipërisë një avion të modelit Airbus A319, me vlerë tregu rreth 11,9 milionë dollarë. Ndërkohë thuhet se prioritetet e Turqisë janë përcaktuar ndryshe, duke theksuar se me 12 milionë dollarë mund të bliheshin të paktën dy avionë zjarrfikës me kapacitet mesatar.

Sipas çmimeve të vitit 2025, avionët më të përdorur për shuarjen e zjarreve, Canadair CL-215, shiten rreth 5,5 milionë dollarë secili. Në tregun e dorës së dytë mund të gjenden edhe më lirë. Pra, teorikisht, mund të bliheshin edhe tre avionë të tillë.

Këta avionë kanë një kapacitet prej rreth 5.450 litrash ujë dhe preferohen për zjarret pyjore për shkak se janë praktikë dhe kanë aftësi për të kryer shumë fluturime  në një kohë të shkurtër. Çmimi i avionëve zjarrfikës, në varësi të kapacitetit, mund të arrijë deri në 36 milionë dollarë.

Ndërkohë, vihet në dukje se disa vende kanë shndërruar edhe avionë Boeing 747 në avionë për shuarjen e zjarreve. Prandaj kjo nxit pretendimin se Airbus-i i dhuruar mund të konvertohet lehtësisht në avion zjarrfikës. Një avion i tillë mund të ketë një kapacitet prej rreth 70.000 litrash ujë dhe të luajë një rol shumë të rëndësishëm në luftën kundër zjarreve. Ndërsa në këtë këndvështrim, avioni i dhuruar do të kishte kapacitet të barabartë me të paktën 10–12 avionë zjarrfikës më të vegjël./Dosja.al

turkish airlines recep tayyip erdogan edi rama

Sondazh

Poll

MË SHUMË