Politike

"Bashkëluftëtarët e mi po njohin terrenin"/ Berisha: Në fokusin e protestave do jetë parlamenti, kryeministria dhe Surreli

Në këtë deklaratë për mediat, Berisha u shpreh se, kryeministria është kthyer në një ndërtesë krimi dhe se nëse kreu i Shqipërisë nuk jep dorëheqjen, opozita do ta detyrojë.

22 Dhjetor 2025, 20:14 Nga D.S
"Bashkëluftëtarët e mi po njohin terrenin"/ Berisha:
Sali Berisha

TIRANË- Kryedemokrati Sali Berisha, tha se në fokus të protestave opozitare do të jenë dy institucionet, pralamenti dhe kryeministria poashtu edhe banesa e kryeministrit në Surrel. Në këtë deklaratë për mediat, Berisha u shpreh se, kryeministria është kthyer në një ndërtesë krimi dhe se nëse kreu i Shqipërisë nuk jep dorëheqjen, opozita do ta detyrojë.

"Një njohje të terrenit. Duhet të jenë të gjithë bashkëluftëtarët e mi. Bashkëluftëtarët e mi duhet të dinë të gjitha drejtimet se cilat do të jenë fushat e demonstratave dhe protestave të fuqishme të ardhshme. E thashë edhe njëherë, do jetë kryeministria, do jetë parlamenti, do jetë Surreli, se këto janë qëndrat e krimit. Ky parlament është i ndërtuar mbi farsën elektorale dhe është pushtuar komplet nga Edi Rama.

Kryeministria është sot ndërtesë krimi të shëmtuar, të gjithanshëm, dhe Surreli, siç e patë ju, del me aferat më të paimagjinueshme, me pengmarrje dhe gjëra të tilla. Këto tre qendra do jenë në fokusin e popullit protestues. Me radhë. Me një fjalë, shpëtim nuk ka. Edi Rama është në rrethim, Edi Rama nuk ka shpëtim. Nuk jep dorëheqjen ai, do ta heqim ne."/Dosja.al 

pd sali berisha

Sondazh

Poll

MË SHUMË