Politike

Klodian Braho mori detyrën si kreu i SPAK, Delegacioni i BE në Tiranë: Luftimi i korrupsionit është përgjegjësi e të gjitha institucioneve

Teksa BE përgëzon Brahon për marrjen e detyrës së re, përgëzon edhe Prokurorinë e Posaçme për qëndrueshmërinë përballë presionit politik.

22 Dhjetor 2025, 13:53 Nga I.A
Klodian Braho mori detyrën si kreu i SPAK, Delegacioni i BE në
Foto Ilustruese

TIRANË- Delegacioni i BE në Tiranë ka uruar Klodian Brahon në detyrën e re si kreu i Prokurorisë së Posaçme. Me anë të një postimi në Facebook, delegacioni i BE shkruan se luftimi i korrupsionit është përgjegjësi e të gjitha institucioneve në vend. 

Teksa BE përgëzon Brahon për marrjen e detyrës së re, përgëzon edhe Prokurorinë e Posaçme për qëndrueshmërinë përballë presionit politik.

Postimi i Plotë:

Përgëzojmë Klodian Brahon, i cili merr detyrën sot si Kryetar i SPAK-ut dhe i urojmë atij çdo sukses në këtë rol të rëndësishëm. Ne gjithashtu përgëzojmë SPAK-un për qëndrueshmërinë e tij përballë presionit politik dhe vendosmërinë dhe integritetin e treguar nga Kryeprokurori në largim Altin Dumani, nën udhëheqjen e të cilit SPAK arriti përparim në luftën kundër korrupsionit të nivelit të lartë dhe forcoi besimin e publikut në drejtësi. Luftimi i korrupsionit dhe pandëshkueshmërisë, si dhe ruajtja e sundimit të ligjit, është një përgjegjësi e përbashkët e të gjitha institucioneve kryesore dhe një aspekt kyç i rrugës së Shqipërisë drejt anëtarësimit në BE, i mbështetur nga shumica dërrmuese e qytetarëve shqiptarë. Ne u bëjmë thirrje të gjitha institucioneve të përmbushin rolet e tyre përkatëse, të përmbushin përgjegjësitë e tyre dhe të bashkëpunojnë plotësisht në sigurimin e llogaridhënies në dobi të të gjithë qytetarëve. Ne mezi presim të vazhdojmë të punojmë me SPAK-un, ndërsa mbështesim Shqipërinë në çdo hap të rrugës drejt BE-së.

delegacioni i be në tiranë klodian braho

Sondazh

Poll

MË SHUMË