Politike

Berisha: Ne dalim në shesh për të larguar njeriun që mori licencë nga Gjykata Kushtetuese për të vjedhur sa të dojë

Në një konferencë për mediat, Berisha u shpreh se shembulli i shqiptarëve ka një vlerë të veçantë historike, pasi sipas tij, në shumë raste pakicat kanë arritur të triumfojnë ndaj shumicave dërrmuese, një fenomen që rrallë gjendet në histori.

22 Dhjetor 2025, 13:23 Nga M.L
Berisha: Ne dalim në shesh për të larguar njeriun që mori
Sali Berisha

TIRANA- Kreu i Partisë Demokratike, Sali Berisha, ka deklaruar se idealet nuk maten me numra dhe se historia ka dëshmuar se ato janë forca më e pathyeshme përballë çdo pushteti. Në një konferencë për mediat, Berisha u shpreh se shembulli i shqiptarëve ka një vlerë të veçantë historike, pasi sipas tij, në shumë raste pakicat kanë arritur të triumfojnë ndaj shumicave dërrmuese, një fenomen që rrallë gjendet në histori.

Berisha theksoi se opozita po del në protestë e udhëhequr nga guximi dhe idealet që, sipas tij, përfaqësojnë vlerat më të larta njerëzore. Ai e cilësoi këtë angazhim si një përpjekje për të larguar kryeministrin, duke e akuzuar se ka përdorur Gjykatën Kushtetuese për të legjitimuar, sipas tij, abuzimet dhe vjedhjet e qeverisë.

DEKLARATA:

Idealet, forca e tyre, nuk matet kurrë me numra. Një gjë ka provuar historia, që nuk ka asgjë më të pathyeshme se ato.
Dhe mos harroni një gjë, se mësimi i historisë së shqiptarëve nuk them se është unik, por them se ka vlerë botërore, pakica që kanë fituar kundër stërshumicave, si në historinë e Shqipërisë, nuk gjen kund tjetër. Ndaj dhe ne dalim aty me guximin e shqiptarit, me idealet më fisnike të njeriut, për të larguar këtë njeri që mori në Gjykatë Kushtetuese licencën për të vjedhur sa të dojë. Mund t’ia japë gjykata, por populli do ia grisë ato letra atij.

sali berisha

Sondazh

Poll

MË SHUMË