Politike

"Ka dy rrugë për largimin e Ramës", Salianji: Berisha në vend që të mbledhë njerëz për protestën, na kërkon llogari pse mblidhemi ne...

Gjatë fjalës së tij, Salinaji vuri në dukje se mbledhja e fundit zgjati katër orë duke u përqendruar tek debatet për figurat qeverisëse, ndërsa Ramës dhe Ballukut iu kushtuan vetëm pak minuta.

16 Dhjetor 2025, 19:11 Nga M.L
"Ka dy rrugë për largimin e Ramës", Salianji: Berisha
Ervin Salianji

ELBASAN- Ervin Salianji kritikoi mbledhjet e fundit të Partisë Demokratike, duke theksuar se ato shpesh shndërrohen në “gjyqe ndaj demokratëve” dhe jo në diskutime për strategjinë e opozitës në terren. Gjatë fjalës së tij, Salinaji vuri në dukje se mbledhja e fundit zgjati katër orë duke u përqendruar tek debatet për figurat qeverisëse, ndërsa Ramës dhe Ballukut iu kushtuan vetëm pak minuta.

Salianji nënvizoi se mënyra për të larguar kryeministrin është përmes protestave masive dhe votës, duke theksuar nevojën për mobilizim të popullit opozitar dhe respekt të plotë për demokratët. Ai kritikoi mungesën e mbështetjes nga Berisha për aksionet në terren dhe vuri në dukje se fitorja arrihet përmes njerëzve që përfaqësojnë vlera dhe jo përmes heshtjes apo frikës.

Gjithashtu, Salianji shprehu pakënaqësi për vendimet e PD, përfshirë atë mbi Avokatin e Popullit, dhe kërkoi përgjegjësi dhe dorëheqje kur bëhen gabime, duke theksuar se mungesa e guximit tek disa nuk duhet të pengojë zhvillimin e debatit të brendshëm në parti.

Ervin Salianji: Mbledhjet tona shndërrohen në gjyqe ndaj demokratëve, në vend  që të diskutohet për strategjinë që mund të përfaqësoje opozitën në terren, mbledhja e fundit ishte katër orë gjyq për mua dhe ju dhe 15 minuta për Ramën dhe Ballukun. Edi Rama nuk mundet as me armiq imagjinar, as me përbetime të ndërvitshme, nuk ka rrugë tjetër veç se respektimi i demokratëve, komunikimi me ta dhe një rinisje të vërtetë.

Ti çojmë shqiptarët drejt kutive të votimit dhe protestave. S’mund të vazhdojmë të mbajmë kokën pas duke thënë na vodhi këtë herë na vodhi atë herë. Me dy rrugë largohet Rama, protesta dhe te kutia e votimit.

E vetmja mënyrë për ta bërë këtë është që të çojmë në këmbë popullin opozitar. Duhet të shkojmë përtej vetes, të jemi të vërtetë dhe të qartë. Kjo nuk ndodh duke qëndruar çdo natë duke qarë. Fitorja arrihet me njerëz që përfaqësojnë vlera dhe humbësit duhet të bëjnë një hap pas.

Drejtuesi i PD në vend që të mbledhë njerëz për protestën, na kërkon llogari pse mblidhemi ne, në cilin nen ndalohet? Nëse çdo përfaqësues i PD do bënte këtë që bëjmë ne, PD do i kishte sheshet e protesta në shesh.

Si guxon dikush që të etiketojë njerëz që dergjen prej 13 vitesh në opozitë? Si mundet të thuhen për njerëz që kanë sakrifikuar pafund. Si rasti i Ndrecës në Durrës. Si mundet?

PD ka bërë gabim me Avokatin e Popullit dhe për këtë unë kërkova një akt, kam kërkuar dorëheqje sepse s’mund të thonë çdo herë bëmë gabim.

Reagimet e sotme dhe ndaj debatet që po përpiqemi të hapin, janë debate në favor të PD. Mungesa e burrërisë tek disa nuk mund të jetë një hall tjetër që duhet t’i shtohet kryesisë së PD./ Dosja.al

ervin salianji

Sondazh

Poll

MË SHUMË