Politike

"Për demokratët ka vetëm një rrugë, protesta!" Salianji: I gjithë sistemi shtetëror është e rrënuar nga interesi personal i kryeministrit

Gjatë fjalës së tij, Salianjii theksoi rëndësinë e pjesëmarrjes masive dhe dërgimit të një mesazhi të qartë ndaj qeverisë përmes mobilizimit të popullit opozitar.

16 Dhjetor 2025, 19:05 Nga M.L
"Për demokratët ka vetëm një rrugë,
Ervin Salianji

ELBASAN- Anëtari i Kryesisë së Partisë Demokratike, Ervin Salianji vijoi pasditen e sotme takimet me demokratët në Elbasan, duke ftuar të gjithë anëtarët e Partisë Demokratike, jo vetëm të qarkut, të bashkohen në protestën e 22 dhjetorit përpara kryeministrisë në Tiranë. Gjatë fjalës së tij, Salianjii theksoi rëndësinë e pjesëmarrjes masive dhe dërgimit të një mesazhi të qartë ndaj qeverisë përmes mobilizimit të popullit opozitar.

Salianji shtoi se situata aktuale e vendit kërkon reagim të fuqishëm, duke nënvizuar nevojën për përballje me të shkuarën dhe respekt për pronën, familjen dhe lirinë individuale. Ai gjithashtu krahasoi situatën me iniciativat në SHBA kundër komunizmit, duke theksuar se në Shqipëri ende mungon një datë zyrtare për të kujtuar viktimat e komunizmit. 

Salianji: Kur gjithë sistemi shtetëror është e rrënuar nga interesi personal i kryeministrit, ka vetëm një rrugë protesta protesta protesta, në datën 22 dhjetor e gjithë energjia e Elbasanit duhet të përplaset në dyert e kryeministrisë.

Ne duhet të flasim për të gjithë elementet që e bëjnë partinë politike që një të tillë. Qeveria vijon ende në pushtet dhe ne po dëgjojmë dhe nuk po neglizhojmë asnjë demokrat të vetëm. Qindra demokratë po na kërkojnë që të bisedojmë me ta. Presidenti Trump shpalli 2 dhe 8 dhjetor si javën anti komunizmit, ndërkohë në Shqipëri nuk kemi ende një datë zyrtare për të kujtuar viktimat e komunizmit.

Një shoqëri që nuk përballet me të shkuarën e përsërit. Mentaliteti i shtetit që grabit përçmon pronën, sot protesta kombëtare duhet të jetë një zgjim i madh për gjithë popullin opozitar, mesazhi i qartë për një qeveri që nuk e njeh pronën, nuk respekton familjen dhe nuk mbron lirinë individual./ Dosja.al

ervin salianji

Sondazh

Poll

MË SHUMË