Politike

"Mbledhja e fundit e kryesisë së PD, 4 orë gjyq për mua dhe 30 minuta për Ramën", Salianji nga Elbasani: Rama nuk rrëzohet me armiq imagjinarë, por...

Gjatë fjalës së tij në takimin me strukturat e PD në Elbasan, Salianji nënvizoi se debati brenda partisë duhet të përqendrohet tek mobilizimi i demokratëve dhe riorganizimi i strukturave, veçanërisht në prag të protestës së 22 dhjetorit, për të garantuar masivitetin e kërkuar nga çdo anëtar i PD.

16 Dhjetor 2025, 18:58 Nga M.L
"Mbledhja e fundit e kryesisë së PD, 4 orë gjyq për mua
Ervin Salianji

ELBASAN- Anëtari i Kryesisë së Partisë Demokratike, Ervin Salianji, komentoi mbi mbledhjen e fundit të Kryesisë, duke theksuar se ajo u zhvillua si një seancë gjyqi për më shumë se katër orë, në vend që të diskutohej aksioni politik për rrëzimin e qeverisë. Gjatë fjalës së tij në takimin me strukturat e PD në Elbasan, Salianji nënvizoi se debati brenda partisë duhet të përqendrohet tek mobilizimi i demokratëve dhe riorganizimi i strukturave, veçanërisht në prag të protestës së 22 dhjetorit, për të garantuar masivitetin e kërkuar nga çdo anëtar i PD.

Salianji theksoi rëndësinë e respektimit të demokratëve dhe bashkëpunimit brenda partisë.

Salianji: Mbledhja e fundit e kryesisë, ishte 4 orë gjyq për mua dhe për ju dhe 30 minuta për Edi Ramën. Duhet ta themi qartë në cdo diskutim të brendshëm të PD se nuk është rruga e duhur që ka zgjedhur në momente të rëndësishme të sajj.

Dhe po e them dhe sot, Edi Rama nuk mundet as me armiq imagjinarë, as me përbetime të përsëritura prej vitesh nga disa që në politikë mund të njihen dhe si idiotë të dobishëm që nuk i lidh asgjë me njerëzit dhe që humbjet i kanë të vetmet bilanc në karrierën politike,

Riorganizimi i PD në të njëjtën kohë me protestën është po aq i rëndësishëm sa protesta për PD, për të pasur masivitetin që e kërkon cdo demokrat. Nuk ekziston asnjë rrugë tjetër vec respektimit të demokratëve.

ervin salianji

Sondazh

Poll

MË SHUMË