Politike

"Do mbledhim Kryesinë"/ Firmat për Shabanin, Berisha: Kërkoj ndjesë, ishte gabim, por firmat u tërhoqën të gjitha

Duke folur nga Foltorja e Elbasanit, Kryedemokrati shpjegoi para mbështetësve dhe shqiptarëve se ky ishte një gabim që duhet pranuar dhe kërkuar ndjesë, por firmat ishin dhënë në kohën kur Shabani i ishte bashkuar opozitës për kandidaturën e aktorit Florjan Binaj për kryebashkiak të Tiranës.

12 Dhjetor 2025, 19:45 Nga E. D
"Do mbledhim Kryesinë"/ Firmat për Shabanin, Berisha:
Sali Berisha

ELBASAN- Kreu i Partisë Demokratike, Sali Berisha shprehu pendesën e forcës politike, me gabimin që bënë për firmat e dhëna nga deputetët opozitarë për Avokat të Popullit, kandidatit Endri Shabani. Duke folur nga Foltorja e Elbasanit, Kryedemokrati shpjegoi para mbështetësve dhe shqiptarëve se ky ishte një gabim që duhet pranuar dhe kërkuar ndjesë, por firmat ishin dhënë në kohën kur Shabani i ishte bashkuar opozitës për kandidaturën e aktorit Florjan Binaj për kryebashkiak të Tiranës.

"Ne bëjmë dhe gabime. Gabim ishte shumë ajo që ju patë dhe unë e kuptoj që ju jeni të mërzitur me këtë, me këto firmat ndaj Endri Shabanit, avokatit të Edi Ramës. Dhe u kërkoj ndjesë unë juve dhe të gjithë shqiptarëve për ato firma që janë vënë, të cilat në të vërtetë u dhanë në një periudhë që u krijua një mbështetje për kandidatin e pavarur për Tiranën, nga të gjitha partitë politike.

Por ato firma u tërhoqën, ta dini mirë. Megjithëse u tërhoqën me firmë. Secili që firmosi, me firmë tërhoqi firmën. Natyrisht, Edi Rama në mënyrën më të pa skrupull, e zgjodhi atë. E gëzoftë edhe Shabanin e tij. Ne do t'i përgjigjemi. Nesër mblidhet kryesia dhe i komunikon të gjitha vendimet. Por, mbi të gjitha, kryesia do marrë vendimet për t'u angazhuar në betejën vendimtare, betejën finale. Kjo është beteja finale e demokratëve," tha Berisha./Dosja.al

sali berisha

Sondazh

Poll

MË SHUMË