Politike

"Pajisje elektronike në burg, ose paraqitje çdo ditë në gjykatë", Veliaj kërkoi t’i plotësohen kushtet për t’u njohur me dosjen, refuzohet nga GJKKO

Kryebashkiaku ka kërkuar që ose t’i sigurohen pajisje teknologjike në qeli, ose të lejohet çdo ditë të vijë në gjykatë për të studiuar dosjen.

2 Dhjetor 2025, 10:39 Nga M.L

"Pajisje elektronike në burg, ose paraqitje çdo ditë

TIRANA- Këtë të martë u zhvillua seanca në GJKKO për kryebashkiakun e Tiranës, Erion Veliaj. Mësohet se gjatë seancës, Veliaj ka kërkuar që t’i krijohen kushtet për t’u njohur me aktet e dosjes. Kryebashkiaku ka kërkuar që ose t’i sigurohen pajisje teknologjike në qeli, ose të lejohet çdo ditë të vijë në gjykatë për të studiuar dosjen.

Megjithatë, kjo kërkesë është refuzuar nga gjykata, duke lënë në fuqi procedurat aktuale të shqyrtimit. Ai ishte i pranishëm personalisht në sallë dhe ka bërë të qarta kërkesat e tij kryesore për procesin.

Veliaj ka theksuar se beson dhe respekton drejtësinë, por ka kërkuar respektimin e të drejtave të tij themelore, duke nënvizuar mungesën e mundësisë për të njohur materialet e dosjes. Sipas tij, deri tani nuk i është vënë në dispozicion një kopje fizike e aktakuzës, e cila përbën rreth 60,000 faqe, gjë që e ka penguar përgatitjen e mbrojtjes.

Kryebashkiaku kërkon heqjen e masës së vendosjes në kafaz gjatë seancave, që sipas tij cenon dinjitetin, prezumimin e pafajësisë dhe të drejtën për mbrojtje efektive. Ai kërkon gjithashtu të ketë akses të plotë dhe të menjëhershëm në aktet e dosjes dhe shtyrjen e procedurës derisa këto të drejta të garantohen në mënyrë të plotë.

Sondazh

Poll

MË SHUMË