Politike

Debati në Kamëz me Nokën/ Berisha: Asnjë nuk është përjashtuar nga partia, PD do i mundësojë anëtarëve të shprehen me votë

Në një takim me qytetarët nëpërmjet rrjeteve sociale, Berisha theksoi se nuk ekziston asnjë vendim i forumit të partisë që të ketë përjashtuar zonjën, dhe se secili ka të drejtë të shprehë lirshëm opinionin e tij brenda PD-së.

29 Nëntor 2025, 14:28 Nga M.L
Debati në Kamëz me Nokën/ Berisha: Asnjë nuk është
Sali Berisha

TIRANA- Kreu i Partisë Demokratike, Sali Berisha, ka sqaruar sot se anëtarja e PD, Anila Aliaj që zhvilloi bisedën me Flamur Nokën nuk është larguar nga partia, dhe asnjë anëtar ose simpatizant nuk mund të përjashtohet për mendimet e tij. Në një takim me qytetarët nëpërmjet rrjeteve sociale, Berisha theksoi se nuk ekziston asnjë vendim i forumit të partisë që të ketë përjashtuar zonjën, dhe se secili ka të drejtë të shprehë lirshëm opinionin e tij brenda PD-së.

Berisha shtoi se, në rast hipotetik Anila Aliaj ka gjithashtu të drejtën për të bërë ankesë nëse ndien se i është bërë ndonjë padrejtësi, por ajo ka zgjedhur të komunikojë me mediat për të shprehur qëndrimin e saj.

Kreu i PD-së theksoi se partia e tij është një organizatë e mendimit të lirë, ku çdo anëtar mund të shprehë mendimin e tij dhe të ndikojë në vendimet përmes votës, duke respektuar procesin demokratik të brendshëm.

DEKLARATA:

Ajo zonja që foli me Flamur Nokën, nuk është larguar nga partia dhe askush nuk mund të largojë absolutisht asnjë anëtar dhe simpatizant pse i tha këto, Sali Berishës, Flamur Nokës apo cilit do drejtues. Kjo nuk ekziston në këtë parti.
Zonja nuk mund të largohet, nuk mund të përjashtohet nga partia asnjë njeri për mendimet e tij.
Por nëqoftëse ta supozojmë në rastin ekstrem se ndodhi, zonja ka të gjithë rrugën të hapur për ankesën ndaj padrejtësisë që mund të pretendojë se i është bërë.

Në vend të kësaj, ajo zgjodhi mediat, ajo bëri një zgjidhje të saj. Por në dijeni time, në raportimet që janë bërë, ajo nuk është përjashtuar nga partia. Nuk ka asnjë vendim të asnjë forumi, të asnjë qelize të partisë për përjashtimin e zonjës nga PD dhe nuk mund të ketë për asnjë anëtar.

Tani ne jemi Parti Demokratike, e mendimit të lirë, secili. Po. Ti mendon se, unë duhet të largohem apo tjetri duhet të largohet. Normal. Por kur vjen puna ama se mendimin tënd do e shprehësh me votë dhe do të krijojë ty mundësi të plotë që të shprehësh me votë mendimin tënd./ Dosja.al

anila aliaj flamur noka sali berisha

Sondazh

Poll