Aktualitet

Zbulohet urdhri i Lleshajt për drejtoritë rrugore, ‘luftë’ makinave të luksit: Mos rinovoni asnjë targë

11 Shkurt 2020, 14:04 Nga DOSJA
Zbulohet urdhri i Lleshajt për drejtoritë rrugore,

TIRANË- Ndërsa të gjitha strukturat e policisë, ato të Shërbimit Inteligjent, por edhe Forcat e Ndërhyrjes së Shpejtë me operacionin “Forca e Ligjit”, janë në rrugë, duke kaluar në sitë të gjithë mjetet luksoze, një urdhër i ministrit të Brendshëm, Sandër Lleshaj, u kërkon Drejtorive Rajonale të Shërbimit të Transportit Rrugor të pezullojnë çdo targim të mjeteve të blinduara, që hyjnë rishtas në Shqipëri, dhe njëkohësisht të mos rinovojnë asnjë dokument të këtyre mjeteve të blinduara për vitin 2020.

Lajmi është bërë i ditur nga drejtori i Shërbimit të Transportit Rrugor në Durrës, Kreshnik Ternova, i cili tha se udhëzimi sqaron se personat që e disponojnë një mjet të tillë duhet të paraqiten në Ministrinë e Brendshme dhe është kjo e fundit që do t’i pajisë me leje të veçantë, nëse duan të kryejnë procedurat e targimit dhe të pajisjes me leje qarkullimi.

Në udhëzimin e dërguar, ministri Lleshaj thotë se konstatohet se mjetet e blinduara posedohen nga individë me precedentë penalë dhe vihet re mungesë informacioni në rastet e ndërrimit të pronësisë së këtyre mjeteve apo edhe problematika të tjera. Nuk dihet sa është numri i mjeteve të blinduara, që qarkullojnë në rrugët e Shqipërisë, sepse nuk është mbajtur një database për to, por prej tre muajsh nuk po lejohet më pajisja me dokumentacion të rinovuar dhe targimi i tyre.

“Zbatim të shkresës së Ministrit të Brendshëm Sandër Lleshaj ‘Mbi pezullimin e dhënies së autorizimeve për mjet të blinduar’. Me përmbajtjen e saj njihen Shefat e Sektorëve të Policisë Rrugore pranë DVP, si dhe Shefi i Sektorit të rendit dhe Shefi i komisariatit rajonal të policisë rrugore në DVP Tiranë, me qëllim zbatimin në praktikë të detyrimit për pezullim/ndërprerjen deri në një njoftim të dytë, të të gjithë procedurave administrative në lidhje me lëshimin e autorizimeve për targimin dhe qarkullimin e mjeteve të blinduara në pronësi/përdorim të personave fizik. Deri në ndryshimin e aktit normativ ekzistues, edhe nëse ndonjë shtetas disponon një kontratë të rregullt ligjore si pronar i mjetit të blinduar dhe ata që aktualisht disponon një targë të rregullt të regjistrua të mjetit të blinduar  nuk do të pajiset me autorizimin për targimin e tij apo autorizim të posaçëm për qarkullim deri në një njoftim të dytë. Për rrjedhojë nuk do të lejohen të qarkullojnë”, shkruhet në deklaratën drejtuar Drejtorive Rajonale të Shërbimit të Transportit Rrugor.

(K.M. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet

Sondazh

Poll

Aktualitet 11 Shkurt 2020, 13:49

TIRANË- Aviacioni Civil dhe zyrtarët e tjetër të aeroporit në Rinas kanë pritur sot 6 ekspertë të huaj të cilët do kontrollojnë sigurinë pistën e aeroporti...

Aktualitet 11 Shkurt 2020, 12:37

Tiranë- Policia e Tiranës ka reaguar zyrtarisht për ngjarjen e djeshme pranë selisë së Partisë Socialiste, ku u arrestua i armatosur dhe me mijëra euro me vete,...

MË SHUMË