Sport

Benzema i rikthen buzëqeshjen Al Ittihad… në fushë ishte edhe Mario Mitaj

Një gol nga ish-lojtari i Real Madridit kundër Al Riyadh (2-1) zbut krizën për ekipin e Conceiçaos. Në këtë ndeshje u aktivizua 90 minuta edhe mbrojtësi i Kombëtares kuqezi, Mario Mitaj

22 Nëntor 2025, 12:45 Nga DOSJA
Benzema i rikthen buzëqeshjen Al Ittihad… në fushë ishte
Benzema feston golin e Al Ittihad

ARABIA SAUDITE - Francezi Karim Benzema i ka dhënë Al Ittihad fitoren e parë në gjashtë ndeshjet e fundit, pas një serie të dobët rezultatesh dhe loje, me një gol në fitoren 2-1 kundër Al Riyadh në raundin e nëntë të Ligës Saudite.

Ekipi i drejtuar nga portugezi Sergio Conceição kishte pësuar tre humbje dhe dy barazime në pesë ndeshjet e fundit të garave vendase, në të cilat ata janë në vendin e shtatë me 14 pikë, 10 pas Al Nassr të Cristiano Ronaldos, liderit të ligës.

Benzema, larg nivelit të tij më të mirë dhe jashtë renditjes së golashënuesve më të mirë (4), e mori ekipin mbi shpinë dhe hapi rezultatin kundër Al Riyadh (i trembëdhjeti në renditje) me një pasim nga bashkëkombësi i tij Moussa Diaby, i cili më vonë do të përjashtohej me karton të kuq direkt.

Al Khaibari shënoi një autogol për ta bërë rezultatin 2-0 për Al Ittihad para përfundimit të pjesës së parë, por senegalezi Mamadou Sylla, një ish-lojtar i Espanyol, Girona dhe Valladolid, ndër të tjerë, e ngushtoi diferencën në minutën e 77-të, duke zhgënjyer shumë ekipin vendas, i cili në fund mori të tre pikët.

Një gllënjkë ajri të pastër për ekipin e Conceição-s, i cili mbetet larg kreut të tabelës dhe ka një ndeshje jashtë fushe të hënën në Ligën e Kampionëve të Azisë kundër ekipit të Katarit, Al Duhail.

B.T (Dosja.al)

Sondazh

Poll

Sport 22 Nëntor 2025, 09:30

Rikthimi i "Kapitenit" në Casa Milan...

ITALI - Franco Baresi është rikthyer në Casa Milan. Kapiteni legjendar i kuqezinjve, zv.president nderi, është rikthyer n&e...

MË SHUMË