Sport

Kupa e Botës 2026/ Inteligjenca Artificiale "sheh" Argjentinën dhe Spanjën në finale...

Një simulim me Inteligjencë Artificiale për Kupën e Botës me 48 ekipe parashikon se Argjentina do ta mposhtë Spanjën në finale (2-1), ndërsa SHBA-të, Meksika dhe Kanadaja do të eliminohen para çerekfinaleve.

22 Nëntor 2025, 11:30 Nga DOSJA

Kupa e Botës 2026/ Inteligjenca Artificiale "sheh"

SHBA - Pak para shortit zyrtar për Kupën e Botës 2026 (5 dhjetor në Uashington), një simulim i Inteligjencës Artificiale (IA) ka zbuluar parashikime interesante për formatin e ri me 12 grupe dhe 48 ekipe, që kulmojnë me një finale midis Argjentinës dhe Spanjës në stadiumin MetLife në Nju Jork.

Ky simulim vlerësoi ekipet nga faza e grupeve deri në finalen e madhe, duke përfshirë parametrat e forcës së ekipeve, performancës historike dhe stilit të lojës për ekip.

Vendasit dhe "limiti" i tyre…

Pavarësisht avantazhit që luajnë në shtëpi, modeli vlerëson se Meksika, SHBA-të dhe Kanadaja do të avancojnë edhe pas grupeve, por do të eliminohen shpejt në fazat eliminatore. Sipas parashikimit, Meksika do të mposhtet 3-2 nga Brazili në 16-tshe, SHBA-ja do të eliminohet 2-1 në kohën shtesë nga Argjentina, ndërkohë që edhe Kanadaja do të ndalet nga vetë Argjentina në fazën e 32-shes.

Argjentina dhe Spanja finaliste…

Simulimi i jep një avantazh Argjentinës, duke marrë parasysh praninë e Lionel Messit në vitin 2026 dhe rolin e tij si lider në një ekip që është i ripërtërirë në sulm, deri në kualifikimin për finalen.

Për Spanjën, modeli parashikon dominim në posedim të topit, kualifikim ndaj Anglisë në çerekfinale dhe Kolumbisë në gjysmëfinale, por një disavantazh në "efikasitet" kundër Argjentinës në finale.

Skenari përfundimtar

Rruga hipotetike përfundon me fitoren 2-1 të Argjentinës ndaj Spanjës për titullin e dytë botëror radhazi, me Albicelesten që eliminon gjithashtu Brazilin në gjysmëfinale pas një barazimi 2-2 dhe kualifikimit me penallti.

Brazili arrin në këtë pikë pasi më parë eliminoi Francën në një çerekfinale të nivelit të lartë, ndërsa Spanja "ndërton" avancimin e saj me një fitore të pastër 3-1 ndaj Kolumbisë në gjysmëfinale.

B.T (Dosja.al)

Sondazh

Poll

Sport 22 Nëntor 2025, 09:30

Rikthimi i "Kapitenit" në Casa Milan...

ITALI - Franco Baresi është rikthyer në Casa Milan. Kapiteni legjendar i kuqezinjve, zv.president nderi, është rikthyer n&e...

MË SHUMË