Politike

Masat e sigurisë ndaj Ballukut, GJKKO vendos 'arrest shtëpie' për 2 zyrtarë të tjerë

Ende nuk dihet cilët janë zyrtarët që janë lënë në 'arrest shtëpie'. Por GJKKO duke iu përgjigjur interesit të mediave, ka deklaruar se do të ketë një njoftim në momentin e duhur procedurial. 

20 Nëntor 2025, 11:45 Nga I.A
Masat e sigurisë ndaj Ballukut, GJKKO vendos 'arrest
GJKKO

TIRANË- Gjykata e Posaçme ka vendosur masë sigurie dhe për dy zyrtarë të tjerë që akuzohen për tunelin e Llogarasë. Mësohet se pas dy masave që i janë vendosur zv.kryeministres Belinda Balluku për pezullim të ushtrimit të detyrës dhe ndalim i daljes jashtë vendit, masa janë vendosur dhe për 2 zyrtarë.

Ende nuk dihet cilët janë zyrtarët që janë lënë në 'arrest shtëpie'. Por GJKKO duke iu përgjigjur interesit të mediave, ka deklaruar se do të ketë një njoftim në momentin e duhur procedurial. 

"Lidhur me lajmin e publikuar në media për caktimin e masave të sigurisë ndaj Zëvendëskryeministres, znj. Belinda Balluku, në kushtet që masa e sigurimit kanë karakter sekret, gjykata në këtë moment nuk ka njoftim zyrtar për të ndarë me median dhe publikun. Në momentin e duhur procedurial do të njoftoheni zyrtarisht nga ana e gjykatës", informoi GJKKO. 

Ministrja Balluku është marrë e pandehur rreth tre javë më parë nga Prokuroria e Posaçme në lidhje me ndërtimin e tunelit të Llogarasë. Deri më tani ajo është zyrtarja më e lartë e qeverisë Rama, e cila ndodhet nën akuza nga Prokuroria e Posaçme. 

Hetimi lidhet me procedurën e tenderit për Ndërtimin e tunelit të Llogarasë, në seksionin rrugor Orikum-Himarë, pjesë e autostradës SH8 (Vlorë-Sarandë). Tenderi fillimisht u hap më 11 dhjetor 2020, u anulua dhe u rihap më 22 qershor 2021, me fond limit 18,967,810,952.08 lekë pa TVSH./Dosja.al

tuneli i llogarasë belinda balluku

Sondazh

Poll

MË SHUMË