Politike

"Përdorim të funksionit publik për veprimtari politike ose zgjedhore"/ SPAK ZBARDH akuzat ndaj Majlinda Bufit! Si kryebashkiakja kërcënoi qytetarin për të mos votuar, i çoi edhe IMT-në në banesë

SPAK ka zbardhur edhe akuzat ndaj saj, ku nga hetimet kanë zbuluar se Bufi, në cilësinë e kryetares së bashkisë, i ka kërkuar shtetasit me iniciale G.B. të mos marrë pjesë në zgjedhjet vendore të 14 majit 2023 dhe të mos përfshihet në veprimtari politike të forcave të tjera, duke e kërcënuar.

14 Nëntor 2025, 18:48 Nga E. D
"Përdorim të funksionit publik për veprimtari politike ose
Majlinda Bufi

TIRANË- SPAK ka përfunduar hetimet dhe ka dërguar për gjykim Kryetaren e Bashkisë Roskovec, Majlinda Bufi. Socialistja akuzohet për veprën penale “Përdorim i funksionit publik për veprimtari politike ose zgjedhore”.

SPAK ka zbardhur edhe akuzat ndaj saj, ku nga hetimet kanë zbuluar se Bufi, në cilësinë e kryetares së bashkisë, i ka kërkuar shtetasit me iniciale G.B. të mos marrë pjesë në zgjedhjet vendore të 14 majit 2023 dhe të mos përfshihet në veprimtari politike të forcave të tjera, duke e kërcënuar.

Gjatë verifikimeve, prokuroria konfirmoi se objekti për të cilin G.B. kërkoi mbështetje nuk ishte banesë ekzistuese, por një ndërtesë e nisur rishtazi, që kishte mangësi në dokumentacionin e pronësisë. Megjithatë, Bufi, sipas SPAK, kishte dijeni për përfshirjen e tij në program.

Gjithashtu, pak ditë para publikimit të audios, SPKA ka zbuluar nga hetimet se punonjës të IMT-së së Bashkisë Roskovec kishin shkuar në banesën e G.B., duke e akuzuar për ndërtim pa leje dhe duke kërkuar ndalimin e punimeve.

Pjesë nga njoftimi i SPAK:

SPAK dërgon për gjykimin Kryetaren e Bashkisë, Roskovec për “Përdorim të funksionit publik për veprimtari politike ose zgjedhore”. Prokuroria e Posaçme kundër Korrupsionit dhe Krimit të Organizuar ka përfunduar hetimet dhe më 14 nëntor 2025, ka dërguar për gjykim procedimin penal nr.98 i vitit 2023, në ngarkim të të pandehurës, Majlinda Bufi, në cilësinë e Kryetares së Bashkisë, Roskovec. Ajo akuzohet për veprën penale, “Përdorim i funksionit publik për veprimtari politike ose zgjedhore”, parashikuar nga neni 328/a/3 e Kodit Penal.

Nga analiza e akteve dhe provave të administruara, gjatë hetimeve të kryera për këtë procedim penal, rezulton se e pandehura Majlinda Bufi, në detyrën e Kryetares së Bashkisë Roskovec, në kundërshtim me ligjin, i ka kërkuar shtetasit, G.B, të mos marrë pjesë në votimet për zgjedhjet vendore të 14 Majit 2023 dhe të mos përfshihet në veprimtaritë zgjedhore të partive të tjera politike.

Më datë 6.5.2023, në orën 14:04, është publikuar në media, artikulli me titull, “Mos guxo të votosh – Publikohet audio përgjimi tjetër skandaloz i kryebashkiakes së Roskovecit”. Transkripti i këtij regjistrimi tregon se e pandehura Majlinda Bufi shfaqet e revoltuar nga shtetasi G.B, i cili ishte përfitues iprogramit social të Bashkisë, “Përmirësimi i Kushteve të banimit për famijet e varfëra dhe të pafavorizuara”, i miratuar me Vendim të Këshillit Bashkiak nr. 40 datë 01.3.2022.

Hetimet konstatuan se pavarësisht se kushtet sociale dhe ekonomike të familjes së G.B. e favorizonin atë si përfitues, objekti për të cilin ishte kërkuar mbështetje, nuk ishte banesë ekzistuese, por një objekt i saponisur, me mangësi dokumentare mbi pronësinë. Pavarësisht këtyre rrethanave, rezulton se e pandehura kishte dijeni për përfshirjen e tij në program.

Nga hetimi rezultoi se para takimit të regjistruar me kryetaren e Bashkisë, Majlinda Bufi, para zgjedhjeve të datës 14 Maj 2023, në banesën e shtetasit G.B kishin shkuar punonjësit e IMT-së Bashkia, Roskovec, të cilët i kanë kërkuar llogari për punimet e kryera dhe ndalimin e vazhdimit të tyre.

Më pas, rezulton se shtetasi, G.B ka zhvilluar takimin në ambientet e Bashkisë me të pandehurën, Majlinda Bufi. Biseda është zhvilluar në një formë presioni duke i përmendur se punimet ishin në tejlkalim të ndihmës dhe se shtetasi G.Bkishte kryer ndërtim pa leje. Ndër të tjera në këtë takim, e pandehura Majlinda Bufi i përmend atij faktin se i kishte dërguar mesazhe, ku shtetasi në fjalë i thoshte fitore kandidatit të opozitës./Dosja.al

majlinda bufi spak

Sondazh

Poll

MË SHUMË