Politike

"Çfarë nuk thuhet..."/ Rama: Në fillim të dhjetorit do të nisë shpërndarja e bonusit të fundvitit për pensionistët

Duke folur gjatë një takimi me banorët e Njësisë 2 në Tiranë, Rama tha se vitin e ardhshëm do nisin nga janari që të rrisin mbështetjen për pensionistët dhe rritja e çdo janari që vjen do jetë dyfishi i janarit paraardhës.

14 Nëntor 2025, 18:10 Nga E. D
"Çfarë nuk thuhet..."/ Rama: Në fillim të
Edi Rama

TIRANË- Kryeministri Edi Rama ka njoftuar se në fillim të dhjetorit do të nisë shpërndarja e bonusit të fundvitit për pensionistët. Duke folur gjatë një takimi me banorët e Njësisë 2 në Tiranë, Rama tha se vitin e ardhshëm do nisin nga janari që të rrisin mbështetjen për pensionistët dhe rritja e çdo janari që vjen do jetë dyfishi i janarit paraardhës.

“Çfarë nuk thuhet e çfarë nuk përflitet, ku 95% e gjërave që qarkullojnë janë të rreme. Është thënë edhe që vitin e ardhshëm do shpërndajmë në muaj bonusin e këtij viti të ri. Bonusi i fundvitit do të jepet siç është dhënë vitin e shkuar duke nisur nga fillimi i muajit dhjetor sepse është bonus që u shkon pensionistëve. Vitin e ardhshëm nisim nga janari që të rrisim mbështetjen për pensionistët dhe rritja e çdo janari që vjen do jetë dyfishi i janarit paraardhës.

Tjetra që vlen të rishpjegohet marrëdhënia e kësaj rritje me indeksimin. Kjo rritje nuk ka lidhje me indeksimin, nëse indeksimi është bërë në mënyrë të përvitshme, do të vazhdojë të bëhet në mënyrë të përvitshme. Vetëm indeksimi parashikohet që shifra ta rrijë në 50 mln euro”, tha Rama./Dosja.al

edi rama

Sondazh

Poll

MË SHUMË