Aktualitet

Kokainë, qindra fishekë e mijëra euro në makina! Arrestohen dy persona në Kakavijë

Gjatë kontrollit të E. N., Policia gjeti dhe sekuestroi lëndën narkotike, dy celularë dhe 3700 euro, ndërsa në automjetin e I. Gj. u gjetën dhe sekuestruan 10 kuti me fishekë, për të cilat ai nuk kishte leje.

7 Nëntor 2025, 17:01 Nga M.L
Kokainë, qindra fishekë e mijëra euro në makina! Arrestohen
Foto ilustruese

KAKAVIJË- Dy persona u arrestuan nga Policia në Kakavijë, pasi tentuan të fusnin në Shqipëri lëndë të ndaluara, përkatësisht kokainë dhe fishekë gjuetie. Sipas uniformave blu, në pranga ranë dy persona me inicialet E. N., 48 vjeç nga Berati, i cili transportonte kokainë në automjetin e tij, dhe I. Gj., 49 vjeç nga Patosi, i cili tentoi të kalonte 250 fishekë gjuetie pa leje.

Gjatë kontrollit të E. N., Policia gjeti dhe sekuestroi lëndën narkotike, dy celularë dhe 3700 euro, ndërsa në automjetin e I. Gj. u gjetën dhe sekuestruan 10 kuti me fishekë, për të cilat ai nuk kishte leje.

NJOFTIMI:

Kakavije/Vijojnë kontrollet intensive nga Policia Kufitare, për parandalimin dhe goditjen e veprimtarive kriminale.

Goditen 2 raste të paligjshmërive në kufi.

Tentoi të hynte në Shqipëri, me lëndë narkotike kokainë në automjet, kapet nga shërbimet e Policisë Kufitare dhe arrestohet 48-vjeçari.

Tentoi të fuste fishek gjuetie, në Shqipëri, kapet nga shërbimet e Policisë Kufitare dhe procedohet penalisht 49-vjeçari.

Sekuestrohen lënda narkotike kokainë, 3700 euro dhe 250 fishekë gjuetie.

Shërbimet e Policisë Kufitare Kakavije, në vijim të punës për goditjen e krimeve ndërkufitare, bazuar në analizën e riskut, kanë kaluar për kontroll në vijë të dytë, në hyrje të RSh-së, automjetet me drejtues shtetasit E. N. dhe I. Gj..

-Gjatë kontrollit në automjetin e shtetasit E. N. dhe kontrollit fizik ndaj tij, shërbimet e Policisë gjetën dhe sekuestruan një sasi lëndë të dyshuar narkotike kokainë, 2 celularë dhe 3700 euro.

Gjatë kontrollit në furgonin me drejtues shtetasin I. Gj., shërbimet e Policisë gjetën dhe sekuestruan 10 kuti me fishekë gjuetie (në total 250 fishekë), të cilat ai nuk i kishte deklaruar konform ligjit dhe nuk ishte i pajisur me leje për transportimin e tyre.

Në përfundim të veprimeve për këto raste:
-specialistët për Hetimin e Narkotikëve të DVP Gjirokastër arrestuan në flagrancë shtetasin E. N., 48 vjeç, banues në Berat, për veprën penale “Prodhimi dhe shitja e narkotikëve”;
-specialistët për Hetimin e Krimeve të DVKM Gjirokastër referuan materialet në Prokurori ku nisi procedimi penal për shtetasin I. Gj., 49 vjeç, banues në Patos, për veprën penale “Prodhimi dhe mbajtja pa leje e armëve të gjuetisë dhe sportive”.

Materialet procedurale iu referuan Prokurorisë, për veprime të mëtejshme.

arrestim ne kakavije

Sondazh

Poll

MË SHUMË