Politike

Kuvendi me dy dhoma/ Balla: Propozimi është bërë nga Rama që në Asamblenë e PS

Gjatë fjalës së tij, Balla është pyetur nëse ka një dakordësi për senatin në Kuvend.

3 Nëntor 2025, 12:21 Nga I.A
Kuvendi me dy dhoma/ Balla: Propozimi është bërë nga
Taulant Balla

TIRANË- Kreu i Grupit Parlamentar të PS-së Taulant Balla ka deklaruar se propozimi i parë për të ulur numrin e deputetëve në vend Kuvend është bërë nga Rama. Gjatë fjalës së tij, Balla është pyetur nëse ka një dakordësi për senatin në Kuvend. Balla shtoi se të gjitha këto propozime do të konkretizohen vetëm në komisionet e posaçme. 

“Edi Rama në mbledhjen e Asamblesë më 11 shtator ka prezantuar disa propozime në atë që lidhet se si e shikojmë ne Shqipërinë 2030 edhe me institucionet. Ka të bëjë me një reformë e cila në një fazë ka filluar, e cila kishte të bënte me një reformim të komisioneve të Kuvendit. Por kishte të bënte dhe me një Kuvend me 101 anëtarë jo me 140 anëtarë. Këtu përfshihet një punë intensive që ka të bëjë me Kuvendin, një ligj i posaçëm, i cili do të përfshijë dhe ligje të tjera siç është ai për deputetin. Grupi Parlamentar synon që të gjitha këto çështje të shqyrtohen nga komisionet e posaçme. Opozita duhet të sjellë emrat për komisionet, të mos humbasim më kohë. Propozimet tona do i bëjmë zyrtare në komision. Ligji për buxhetin përcakton afatet dhe rregulloja e kuvendit ka një nen të posaçëm për miratimin e buxhetit,” tha Balla./Dosja.al

taulant balla

Sondazh

Poll

MË SHUMË