Politike

Erion Veliaj padit për shpifje Aulon Kalanë

Ndërkohë që seanca e parë në Gjykatë do të jetë në 6 nëntor, ku dhe Kalaja i ka bërë thirrje Veliajt që do e presë në Gjykatë.  

29 Tetor 2025, 10:39 Nga I.A
Erion Veliaj padit për shpifje Aulon Kalanë
Erion Veliaj dhe Aulon Kalaja

TIRANË- Kryebashkiaku i arrestuar i Tiranës Erion Veliaj ka paditur në Gjykatën e Tiranës Aulon Kalanë. Lajmin e  ka bërë të ditur vetë Kalaja me anë të një postimi në Facebook, ku dhe ka publikuar flet-thirrjen nga Gjykata e Tiranës.

Kalaja është paditur për shpifje nga Veliaj. Ndërkohë që seanca e parë në Gjykatë do të jetë në 6 nëntor, ku dhe Kalaja i ka bërë thirrje Veliajt që do e presë në Gjykatë.  

Postimi i Plotë:

Kryetari i Bashkisë Tiranë, Erion Veliaj më ka paditur në gjykatë! Ka disa kohë që i kam bërë thirrje Erion Veliajt që një herë në jetën e vet, nëse do t’i bënte të paktën një nder Shqipërisë, është që të fliste, ato që di për Edi Ramën. Por Kryetari i Bashkisë Tiranë, Erion Veliaj, nuk ka paditur Kryeministrin Edi Rama dhe siç duket nuk ka ndërmënd të bëlbëzojë për të, por më ka paditur mua në gjykatë, për shpifje! Por të gjithë e dinë që unë nuk kam shpifur kurrë, sepse nuk jam nga ai soj! Varet më kë është mësuar.

Nëse mendon se me të tilla metoda, mund të më friksosh, gabohesh! Unë nuk kam pyetur për bandat dhe shefat e tu, jo më për lepurusha epruvete. Përballë do më kesh dhe përpara do të kem. Harroje se unë bëj marveshje. Lufta ime është publike dhe pa kompromis. Je mësuar me të tjerë.

Askënd nuk kam vrarë. Askujt nuk i kam prish shtëpinë. Asnjë taksë nuk kam vjedh. Askujt nuk i kam futur dorën në xhep. Askujt nuk i kam ngritur kurth. Askënd nuk kam paguar. Askënd nuk kam kërcënuar. Dhe mbi të gjitha jam njeri i lirë dhe nuk jam në burg. Erion Veliaj, nëse të ka mbetur një fije burrëri, të pres në gjykatë, me datë 6 nëntor. Mos mungo se do të vërtetoj çdo fjalë që kam thënë për ty! Nëse nuk vjen në gjyq, turpi të ndjekë ty nga pas…

erion veliaj aulon kalaja

Sondazh

Poll

MË SHUMË