Politike

"Mandati i kryedemokratit mbaron në prill të 2026", Xhaferri: Nëse Berisha nuk përsërit zgjedhjet e 11 Majit, të largohet nga drejtimi i PD

Gjatë një intervistë për emisionin Dekalog në Dritare Tv, Xhaferri theksoi se nëse Berisha nuk e mban premtimin për të përsëritur zgjedhjet e 11 Majit, ai duhet të largohet nga drejtimi i partisë.

21 Tetor 2025, 21:02 Nga M.L
"Mandati i kryedemokratit mbaron në prill të 2026",
Besart Xhaferri

TIRANA- Deputeti i Partisë Demokratike, Besart Xhaferri ka deklaruar sot se mandati i kryetarit të PD-së, Sali Berisha, përfundon në prill të vitit 2026, ku në të njëjtën periudhë duhet të zhvillohen zgjedhje të reja brenda kësaj force politike. Gjatë një intervistë për emisionin Dekalog në Dritare Tv, Xhaferri theksoi se nëse Berisha nuk e mban premtimin për të përsëritur zgjedhjet e 11 Majit, ai duhet të largohet nga drejtimi i partisë.

Më tej deputeti deklaroi gjithaashtu se pavarësisht kësaj, do të vijojë të qëndrojë në PD dhe të kontribuojë brenda saj, por pa hyrë në përplasje të brendshme.

“Mandati i zotit Berisha mbaron në prill të 2026. Edhe në prill të 2026 duhet të ketë zgjedhje brenda në PD. Nëse Berisha nuk i ka ripërsëritur zgjedhjet, duhet të largohet. Nëse nuk ikën Berisha, unë do të vazhdoj misionin brenda PD, por nuk do të bëj luftë brenda partisë. Kjo, pasi përballja brenda partisë ka një lloj hierarki, nuk është radha ime”, u shpreh deputeti demokrat./ Dosja.al

sali berisha besart xhaferri

Sondazh

Poll

MË SHUMË