Aktualitet

Vrasja e Hekuran Cumanit në Itali/ 23-vjeçari u godit me thikë duke mbrojtur të vëllanë, policia shoqëron edhe disa persona të dyshuar

Bëhet me dije se 23-vjeçari po përpiqej të mbronte vëllain e tij më të vogël gjatë një përleshjeje mes dy grupe të rinjsh dhe u qëllua duke ndërruar jetë në vend. Mediat italiane gjithashtu raportojnë se vëllai i tij u plagos lehtë, por nuk mund të identifikonte autorin.

20 Tetor 2025, 19:45 Nga E. D
Vrasja e Hekuran Cumanit në Itali/ 23-vjeçari u godit me thikë
Hekuran Cumani

ITALI- Detaje të reja kanë dalë në diritë lidhur me vrasjen e shqiptarit, Hekuran Cumani në Itali. Bëhet me dije se 23-vjeçari po përpiqej të mbronte vëllain e tij më të vogël gjatë një përleshjeje mes dy grupe të rinjsh dhe u qëllua duke ndërruar jetë në vend. Mediat italiane gjithashtu raportojnë se vëllai i tij u plagos lehtë, por nuk mund të identifikonte autorin.

Ndërkohë, hetuesit dyshojnë për një heshtje të qëllimshme nga dëshmitarët, pasi versionet e ngjarjes janë kontradiktore. Po ashtu hetuesit e kanë identifikuar tashmë autorin e krimit, një i ri me origjinë tuniziane, pjesë e një grupi tjetër të rinjsh. Sakaq, disa të tjerë janë shoqëruar tashmë si të dyshuar, të cilët janë marrë në pyetje në stacionin e policisë menjëherë pas përleshjes.

Si ndodhi ngjarja?

Hekuran Cumani kishte shkuar në Perugia së bashku me disa miq për të kaluar mbrëmjen. Grupi i tij u takua me një tjetër grup të rinjsh, me të cilët nisi një debat. Nga fjalët, situata degjeneroi në konflikt fizik, që përfundoi me goditjen fatale me thikë. Hetuesit kanë marrë në pyetje të gjithë miqtë e viktimës që ishin të pranishëm në momentin e sulmit. Pas një nate të kaluar nëpër lokale me shokët, 23-vjeçari e përfundoi “turneun” e tij në Perugia pikërisht te “110 Caffè”, ku ndodhi vrasja./Dosja.al

hekuran cumani

Sondazh

Poll

MË SHUMË