Aktualitet

Vrasja e Hekuran Cumanit në Itali/ DETAJE nga sherri që nisi në diskotekë dhe përfundoi në parking, rezultoi fatal për të riun shqiptar! Mister arma e krimit...

Ngjarja tragjike ndodhi rreth orës 04:30, në parkingun përballë Departamentit të Matematikës dhe Informatikës, vetëm pak minuta pasi i riu kishte dalë nga një diskotekë së bashku me vëllain dhe disa miq të tij.

19 Tetor 2025, 15:34 Nga M.L
Vrasja e Hekuran Cumanit në Itali/ DETAJE nga sherri që nisi në
Foto ilustruese

ITALI- Vijon hetimi për zbardhjen e plotë të vrasjes së Hekuran Cumanit, një 23-vjeçar me origjinë shqiptare dhe shtetësi italiane, i cili u qëllua për vdekje me thikë në orët e para të mëngjesit të së shtunës, në një parking pranë Universitetit të Perugias. Ngjarja tragjike ndodhi rreth orës 04:30, në parkingun përballë Departamentit të Matematikës dhe Informatikës, vetëm pak minuta pasi i riu kishte dalë nga një diskotekë së bashku me vëllain dhe disa miq të tij.

Sipas hetimeve paraprake, sherri nisi brenda në lokal për një arsye banale, por më pas degjeneroi në një përplasje fizike mes dy grupeve të të rinjve jashtë ambjenteve të klubit. Mediat italiane raportojnë se autori i dyshuar i vrasjes është një shtetas me origjinë nga Afrika e Jugut, i cili ndodhej në grupin kundërshtar gjatë konfliktit. Dyshohet se përplasja nisi për arsye banale, si “pse më shikon” dhe më pas mori përmasa të rënda.

Ndërkohë, burime nga hetuesit italianë bëjnë me dije se nuk ka asnjë provë që të lidhë ngjarjen me ndonjë aktivitet kriminal apo banda të strukturuara. Përkundrazi, gjithçka duket të ketë ndodhur si rezultat i një konflikti të çastit. Deri më tani, policia ka marrë në pyetje dhjetëra persona, përfshirë edhe vëllain e Hekuranit, Samuelin, i cili ka pësuar lëndime të lehta. Megjithatë, dëshmia e tij nuk ka rezultuar vendimtare për identifikimin e autorit.

Hetimet janë përqendruar edhe në një tjetër pistë; dyshohet se arma e krimit, një thikë e cila nuk është gjetur ende, mund të jetë sjellë në vendngjarje nga një person i tretë, i cili nuk ndodhej aty në momentin e nisjes së konfliktit. Ky zhvillim ngre dyshime se vrasja nuk ishte thjesht pasojë e një përplasjeje spontane, por mund të jetë nxitur apo përshkallëzuar nga prania e një personi të jashtëm që solli armën vdekjeprurëse./ Dosja.al

vrasja e hekuran cumanit ne itali

Sondazh

Poll

MË SHUMË