Aktualitet

Shisnin kokainë në lokalin ku punonin/ Vihen në pranga katër shqiptarë, dy gra e dy burra, sekuestrohet kokaina dhe shumat e parave

Siç raportohet shqiptarët u ofronin konsumatorëve një pikë të lehtë dhe gjithmonë të hapur për të blerë drogë. Të arrestuarit janë një grua 25-vjeçare, një burrë 28-vjeçar, një grua 44-vjeçare dhe një burrë 49-vjeçar, të gjithë me origjinë shqiptare.

13 Tetor 2025, 22:19 Nga E. D
Shisnin kokainë në lokalin ku punonin/ Vihen në pranga katër
foto ilustruese

ITALI- Policia italiane ka arrestuar katër shtetas shqiptarë, dy burra dhe dy gra, pasi u kapën duke shitur kokainë brenda lokalit ku punonin. Siç raportohet shqiptarët u ofronin konsumatorëve një pikë të lehtë dhe gjithmonë të hapur për të blerë drogë. Të arrestuarit janë një grua 25-vjeçare, një burrë 28-vjeçar, një grua 44-vjeçare dhe një burrë 49-vjeçar, të gjithë me origjinë shqiptare.

Gjatë kontrolleve personale dhe në banesat e tyre, falë edhe ndihmës së qenve antidrogë, policia gjeti dhe sekuestroi: rreth 470 gramë kokainë, prej të cilave 400 gramë të ndara në 3 pako, mbi 1 kilogram marijuanë, pjesërisht e ndarë në doza gati për shitje, një copë hashash prej mbi 100 gramësh, materiale për paketimin e lëndëve narkotike, si dhe 5,190 euro në para të gatshme.

Gjithashtu është sekuestruar edhe lokali, pasi u vërtetua se ishte përdorur në mënyrë të drejtpërdrejtë dhe funksionale për kryerjen e veprës penale të trafikut të drogës. Të arrestuarit janë dërguar në burgun ‘Santa Maria Maggiore’ të Venecias dhe në burgun e grave ‘Venezia-Giudecca’, me përjashtim të njërës prej grave, e cila është vendosur në arrest shtëpie në banesën e saj./Dosja.al

policia italiane

Sondazh

Poll

MË SHUMË