Aktualitet

EMRAT/ Kush janë babë e bir që u qëlluan me armë brenda sallës së gjyqit në Apelin e Tiranës

Babë e bir ndërkohë po mjekohen në spitalin e Traumës dhe jashtë rrezikut për jetën. 

6 Tetor 2025, 16:58 Nga E. D
EMRAT/ Kush janë babë e bir që u qëlluan me armë brenda
pamje nga vendngjarja

TIRANË- Rakip dhe Ervis Kurtaj, janë babë e bir që mbetën të plagosur pasi Elvis Shkambi qëlloi me armë brenda në sallën e gjyqit në Apelin e Tiranës, ku i vdekur mbeti gjyqtari Astrit Kalaja. Babë e bir ndërkohë po mjekohen në spitalin e Traumës dhe jashtë rrezikut për jetën. 

Bëhet me dije se ata kanë qenë palë në proces me familjen e Shkambit, e cila pretendonte pronësinë e ish-shkollës së rezervave në Shkodër dhe kërkonte lirimin e ambienteve nga 31 familjet. Gjithashtu dy prej personave në konflikt pronësie ishin pikërisht babë dhe bir, që rezulton se e kanë fituar gjyqin kundër Përmbarimit në Shkodër në shkallën e parë, duke bllokuar lirimin e banesave në favor të Shkambit.

Procesi ka zgjatur nga 2023-2024, ku aktualisht dosja ishte në Apel, por siç duket se në humbje e sipër të procesit, Elvis Shkambi ka përdorur armën në shenjë hakmarrjeje./Dosja.al

ervis kurtaj

Sondazh

Poll

MË SHUMË