Politike

"Donim që procedura të jetë e rregullt", Shkarkimi i Veliajt, Teliti: Pse PS u kujtua tani për largimin e kryebashkiakut?

Ai gjithashtu nënvizoi se Veliaj duhej të dëgjohej personalisht ose online gjatë procesit.

23 Shtator 2025, 21:24 Nga E. D
"Donim që procedura të jetë e rregullt", Shkarkimi
Dorian Teliti

TIRANË- Anëtari i PD-së në Këshillin Bashkiak të Tiranës, Dorian Teliti ka folur për propozimin e miratuar në Këshillin bashkiak për shkarkimin e kryetarit të bashkisë Erion Veliaj. I ftuar në emisionin Log në News24, Teliti theksoi rëndësinë e një procedure të rregullt dhe transparente. Ai nënvizoi se Veliaj duhej të dëgjohej personalisht ose online gjatë procesit. Teliti ngriti gjithashtu pyetjen pse PS u kujtua vetëm tani për largimin e kryebashkiakut, pas muajsh heshtjeje.

"Qytetari Erion Veliaj, që është shkarkuar nga Këshilli Bashkiak, duhej të dëgjohej. Këshilli Bashkiak duhet t’i siguronte që të ishte prezent, mund të bëhej lidhje online me leje nga organet kompetente. Ne duam shkarkimin e Veliajt, ne kemi vite që luftojmë për largimin e Erion Veliajt.

Ne duam që procedura të jetë sa më e saktë, që në të ardhmen mos të krijohen precedentë të rrezikshëm. Çdo qytetar ka të drejtë të dëgjohet. Ne donim procedurë sa më të rregullt. Në 7 muaj ku ishin këshilltarët e PS-së, pse u kujtuan tani për shkarkimin e tij nga detyra?", tha Dorian Teliti. 

dorian teliti

Sondazh

Poll