Aktualitet

Vodhi automjetin për qëllim shitje, arrestohet 42-vjeçari në Tiranë

Makina u vodh në rrugën “Niko Avrami” pranë kryeqytetit.

21 Shtator 2025, 14:04 Nga E.d
Vodhi automjetin për qëllim shitje, arrestohet 42-vjeçari
Makina e vjedhur

TIRANË – Policia ka arrestuar sot një 42-vjeçar, pasi vodhi makinën e cila ishte në pronësi të një person tjetër, më qëllim shitjen për skrap. Makina u vodh në rrugën “Niko Avrami” pranë kryeqytetit. Policia ka ndjekur penalisht edhe pronarin e pikës së skrapit.

Njoftimi i Policisë

Vodhi një automjet në rrugën “Niko Avrami”, me qëllim shitjen e tij për skrap, vihet në pranga 42-vjeçari. Procedohet penalisht pronari i pikës së skrapit. Gjendet dhe sekuestrohet, në cilësinë e provës materiale, automjeti i vjedhur. Specialistët për Hetimin e Krimeve të Komisariatit të Policisë Nr. 4, pas marrjes së njoftimit se në rrugën “Niko Avrami” ishte vjedhur një automjet, menjëherë organizuan punën me qëllim zbardhjen dhe dokumentimin e rastit.

Si rezultat i një pune të mirëorganizuar, u kap dhe arrestua në flagrancë shtetasi A. A., 42 vjeç, banues në Tiranë. Ky shtetas, ditën e djeshme, në rrugën “Niko Avrami”, ka vjedhur automjetin në pronësi të shtetasit E. A., dhe më pas e ka dërguar në një pikë skrapi, me qëllim shitjen e tij. Në vijim të veprimeve, u referuan materialet në Prokurori, ku nisi procedimi në gjendje të lirë për shtetasin B. Gj., 38 vjeç, pasi gjatë kontrollit në pikën e skrapit, në pronësi të tij, u gjet dhe u sekuestrua automjeti i vjedhur. Materialet procedurale i kaluan Prokurorisë, për veprime të mëtejshme.

tiranë 42-vjeçari vjedhje

Sondazh

Poll

MË SHUMË