Politike

"Procesi nis mbi një bazë antiligjore"/ Berisha: Bazuar në vendimin e Gjykatës së Lartë, Jamarbër Malltezi nuk ka qenë kurrë zyrtar apo funksionar

Berisha theksoi se Jamarbër Malltezi nuk ka qenë kurrë funksionar publik me fuqi vendimmarrëse, sipas vendimeve të Gjykatës së Lartë.

15 Shtator 2025, 10:50 Nga I.A
"Procesi nis mbi një bazë antiligjore"/ Berisha: Bazuar
Sali Berisha

TIRANË- Kryetari i Partisë Demokratike, Sali Berisha ka deklaruar se procesi për çështjen Partizani nis mbi një “bazë antiligjore”. Berisha theksoi se Jamarbër Malltezi nuk ka qenë kurrë funksionar publik me fuqi vendimmarrëse, sipas vendimeve të Gjykatës së Lartë.

"Së fundmi, kjo nuk ka shumë lidhje me këto, por prapë... Sot fillon procesi gjyqësor. Gjykata e Lartë në një vendim të dytë shpall se për veprën e korrupsionit pasiv duhet detyrimisht që nëpunësi apo funksionari të jetë funksionar publik. Dhe duhet detyrimisht që të kenë pasur fuqi vendimmarrëse. Jamarbër Malltezi nuk ka qenë kurrë zyrtar apo funksionar publik, sepse ligji ka përjashtuar universitetet nga kjo kategori.

Dhe në ligjin e ri që po bëjnë, tani po përpiqen që t’i përfshijnë. Por, po këta zotërinj, që tani në një vendim të muajit korrik, qartësojnë se nuk mund të ketë korrupsion pasiv në qoftë se personi nuk është zyrtar i lartë apo zyrtar jo i lartë se janë dy nene dhe që ka fuqi vendimmarrëse. Tani gjykojeni vetë mbi ç’bazë fillon procesi sot. Fillon mbi një bazë jashtëligjore," tha Berisha.

sali berisha jamarbër malltezi

Sondazh

Poll

MË SHUMË