Politike

Riorganizimi i Komisioneve Parlamentare, Niko Peleshi mbledh sot krerët e grupeve parlamentare

Në këtë takim gjithashtu do të diskutohet për zgjedhjen e anëtarëve të delegacioneve parlamentare, Byrosë së Kuvendit dhe Këshillit për Mandatet dhe Rregulloren.

15 Shtator 2025, 08:51 Nga I.A
Riorganizimi i Komisioneve Parlamentare, Niko Peleshi mbledh sot krerët e
Niko Peleshi

TIRANË- Kryetari i zgjedhur i Kuvendit Niko Peleshi do të mbledh ditën e sotme krerët e grupeve parlamentare në vend. Gjatë takimit, pritet që të diskutohet mbi formimin e strukturave të reja parlamentare. Në këtë takim gjithashtu do të diskutohet për zgjedhjen e anëtarëve të delegacioneve parlamentare, Byrosë së Kuvendit dhe Këshillit për Mandatet dhe Rregulloren.

Gjatë këtij takimi, Peleshi do të paraqesë një propozim për ndryshime të shpejta në Rregulloren e Kuvendit, me qëllim të ristrukturimit të komisioneve parlamentare. Ditën e nesërme do të mblidhet Kuvendi në mëngjes për të ngritur Këshillin e Mandateve, ndërsa në pjesën e dytë të ditës pritet votimi i rregullores së re dhe përbërjes së komisioneve parlamentare.

kuvendi niko peleshi

Sondazh

Poll

MË SHUMË