Politike

Në qeveri futet edhe Inteligjenca Artificiale, Rama: “Diella” për Prokurimet Publike

Sipas asaj që tha Rama në Asamblenë e PS, ky sistem inovativ do të marrë përgjegjësinë për prokurimet publike, me qëllim eliminimin e korrupsionit dhe rritjen e transparencës.

11 Shtator 2025, 13:15 Nga I.A

Në qeveri futet edhe Inteligjenca Artificiale, Rama: “Diella”

Edi Rama

TIRANË- Qeveria e re po integron Inteligjencën Artificiale në proceset e saj, duke prezantuar “Diellën”, anëtaren e parë virtuale të qeverisë. Sipas asaj që tha Rama në Asamblenë e PS, ky sistem inovativ do të marrë përgjegjësinë për prokurimet publike, me qëllim eliminimin e korrupsionit dhe rritjen e transparencës.

"“Diella”, anëtarja e parë jo fizikisht e pranishme, por virtualisht e krijuar nga Inteligjenca Artificiale e një qeverie, do ketë në mbështetje një strukturë të posaçme për adoptimin e AI në proceset qeverisëse dhe një mandat të posaçëm për të shembur frikën e paragjykimeve dhe ngurtësisë së administratës. Dje në mbledhjen e fundit të qeverisë së tretë, u mor dhe vendimi i fundit, për nxjerrjen e tenderave jashtë nga ministritë. Në mandatin e katërt, duhet bërë “Diella” shërbyesja e prokurimeve publike, të cilat duam t’ia kalojmë hap pas hapi AI-së, duke e bërë Shqipërinë një vend ku tenderat publik janë 100% të pakorruptueshëm dhe ku çdo fond publik që kalon përmes procedurës së tenderit është 100% i lexueshëm. Kjo nuk është fantashkencë, por detyrë e “Diellës”. Mandati i “Diellës” nuk do të ketë as kufij gjeografik, as kufij kombësie dhe struktura në mbështetjen e saj do të ketë të drejtën të punësojë këtu talente nga e gjithë dynjaja," tha Rama.

diella edi rama