Sport

Dalja e Britanisë nga Bashkimi Europian kthehet në problem për Messin, ja arsyeja

1 Shkurt 2020, 16:06 Nga DOSJA

Dalja e Britanisë nga Bashkimi Europian kthehet në problem për

SPANJË- Largimi i Britanisë nga Bashkimi Europian, mund të kthehet si boomerang edhe për futbollistët në Europë. Lionel Messit mund t’i ndalohet hyrja në Angli për një arsye të fortë. Argjentinasi ka qenë i akuzuar për evazion fiskal dhe është dënuar me 21 muaj burgim të suspenduar nga gjykata spanjolle, pasi arriti marrëveshje jashtë gjykatës me ta.

Pesë-herë fituesi i Topit të Artë për momentin është qytetar i Bashkimit Europian, pasi ai posedon nënshtetësi të dyfishtë, spanjolle dhe argjentinase, duke e pasur kështu mundësinë për të udhëtuar në Britani të Madhe për krimin e tij jo të dhunshëm. Por, avokati i emigracionit, Andreë Osbourne, kishte paralajmëruar se futbollistët mund të përballen me probleme në udhëtime tani që Britania e Madhe është larguar nga Bashkimi Europian.

“Është një pikë specifike për ndeshjen europiane. Nëse je qytetar i BE-së dhe ke kryer një krim, ti mund të udhëtosh në Britani të Madhe, për aq kohë sa nuk vlerësohet se je rrezik për të tjerët”, kishte thënë Osbourne për The Athletic. “Nëse nuk je qytetar i Bashkimit Evropian dhe je i dënuar për ndonjë krim – edhe nëse është me burgim të suspenduar – ty mund të të ndalohet ardhja në Britani të Madhe”.“Ka një numër të futbollistëve shumë të famshëm që janë dënuar për evazion fiskal. Deri më tani, ata s’kanë pasur probleme sepse kanë pasur pasaportë të BE-së.

Por, pas Brexit-it (daljes së Britanisë nga Bashkimi Europian), ata mund të mos kenë mundësi të hynë në vend”. “Kushdo që ka ndonjë dënim me burg të çfarëdo lloji, pika fillestare është se nuk do të lejohet të hyjë në vend. Kjo mund të shkaktojë probleme për skuadrat e Ligës së Kampionëve. Klubet dhe UEFA duhet të ndërmarrin diçka”.

Barcelona nuk u përball me asnjë klub në fazën e grupeve dhe 1/8 e finales të këtij edicioni të Ligës së Kampionëve, mirëpo ata mund të mbeten pa kapitenin Messi nëse u bie shorti me ndonjë klub anglez në fazat e mëvonshme të kësaj gare.

(E.Ç. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport brexit britania del nga be lionel messi problemet e messit brexit britania del nga be lionel messi problemet e messit