Aktualitet

Zbardhen detaje nga plagosja e 21-vjeçarit në Tiranë, tre autorët e goditën me shishe në kokë dhe i prenë një pjesë të veshit (EMRAT)

Ngjarja ka ndodhur pas një konflikti mes të rinjve për motive të dobëta. 

22 Gusht 2025, 18:59 Nga r.l
Zbardhen detaje nga plagosja e 21-vjeçarit në Tiranë, tre
foto ilustruese

TIRANË- Detaje të reja janë zbardhur lidhur me plagosjen e 21-vjeçarit, Marko Bega në rrugën “Mihal Popi” në Tiranë. Tre autorët e ngjarjes, Florjan Faslia, Mentor Daja dhe Samuel Tahiraj, të vënë tashmë në pranga, i kanë shkuar 21-vjeçarit te shtëpia dhe e kanë goditur me shishe në kokë.

Sipas raportimeve, nga goditjet e shumta, përveç dëmtimeve të rënda të riut i është prerë një pjesë e veshit. Ngjarja ka ndodhur pas një konflikti mes të rinjve për motive të dobëta. 

Bega ndodhet në spital dhe po trajtohet me ndihmë mjekësore. Ndërkohë të arrestuarit akuzohen për veprën penale “Plagosje e rëndë me dashje” e kryer në bashkëpunim.

"Tiranë/ Plagosën rëndë për motive të dobëta një 21-vjeçar, identifikohen dhe vihen në pranga 3 shtetas. Specialistët për Hetimin e Krimeve në Komisariatin e Policisë Nr. 2, pas marrjes së njoftimit se në rrugën “Mihal Popi”, kishte ndodhur një konflikt gjatë të cilit ishte dëmtuar me sende të forta një shtetas, kanë organizuar menjëherë punën për kapjen e autorve dhe vënien e tyre përpara përgjegjësisë ligjore.

Si rezultat i veprimeve të shpejta u identifikuan dhe u vunë në pranga shtetasit: F. F., 18 vjeç, M. D., 21 vjeç dhe S. T., 19 vjeç, të tre banues në Tiranë. Këta shtetas, në rrugën “Mihal Popi” pas një konflikti për motive të dobëta, kanë goditur me sende të forta shtetasin M. B., 21 vjeç, duke i shkaktuar dëmtime të rënda. Aktualisht, 21-vjeçari ndodhet në spital, nën kujdesin e mjekëve. Materialet u referuan Prokurorisë për veprën penale “Plagosje e rëndë me dashje” e kryer në bashkëpunim.", thuhej në njoftimin e policisë.

marko bega plagosje ne tirane

Sondazh

Poll

MË SHUMË