Aktualitet

ILD përmbush 59 "detyrimet" e Ministrisë së Financave: Efektiv sistemi i kontrollit të brendshëm! Janë zbuluar shumë pak dobësi

Mësohet se gjatë këtyre kontroleve ekipi i Ministrisë së Financave monitoroi proceset e punës në ILD, duke analizuar dhe vlerësuar gjendjen e sistemeve të kontrollit të brendshëm të Zyrës së Inspektorit të Lartë të Drejtësisë.

21 Gusht 2025, 10:48 Nga N.F
ILD përmbush 59 "detyrimet" e Ministrisë së Financave:
Foto

TIRANË- Inspektori i Lartë i Drejtësisë, ILD ka bërë me dije se zyrat e saj janë kontrolluar nga Drejtoria e Harmonizimit të Menaxhimit Financiar, Kontrollit dhe Kontabilitetit e Ministrisë së Financave. Sipas njoftimit këto kontrolle janë zhvilluar gjatë javës së parë të qershorit.

Mësohet se gjatë këtyre kontroleve ekipi i Ministrisë së Financave monitoroi proceset e punës në ILD, duke analizuar dhe vlerësuar gjendjen e sistemeve të kontrollit të brendshëm të Zyrës së Inspektorit të Lartë të Drejtësisë. Gjithashtu u verifikua mjedisi i kontrollit, menaxhimi i riskut, aktivitetet e kontrollit, që synojnë reduktimin e risqeve, informacioni e komunikimi, si dhe monitorimi, pra tërësia e proceseve të rishikimit të aktivitetit të institucionit, duke u ekzaminuar baza dokumentare për secilën rubrikë të listës së kontrolleve.

Raporti i Drejtorisë së Kontrollit Financiar të Ministrisë së Financave pas monitorimit dhe analizimit të krye ka dhën vlerësimin maksimal, bazuar në përgjigjet e 59 pyetjeve për ILD-në. Ata janë shprehur se sistemi i kontrollit të brendshëm në institucionin e ILD vlerësohet efektiv, me 59 pika të plotësuara nga lista e kontrollit të shoqëruar me dokumentacion justifikues.

Raporti vëren se sipas Metodologjisë për Vlerësimin e Cilësisë së Sistemit të Kontrollit të Brendshëm në Njësitë e Qeverisjes së Përgjithshme “Sistemi i Kontrollit të Brendshëm konsiderohet efektiv, nëse nuk janë zbuluar asnjë ose janë zbuluar shumë pak dobësi dhe mangësi të zbatimit të sistemit të kontrollit të brendshëm.”

ild

Sondazh

Poll

MË SHUMË