Politike

"Në çdo udhëtim privat unë marr avionët e linjës"/ Rama: Nuk kemi blerë asnjë avion, ato s’janë një fjalë goje

Rama tha se ai udhëton me avionin e shtetit vetëm për udhëtime zyrtare pune, ndërsa në çdo udhëtim privat përdor klasin ekonomik.

14 Gusht 2025, 13:58 Nga E. D
"Në çdo udhëtim privat unë marr avionët e
Edi Rama

TIRANË- Kryeministri Edi Rama ka mohuar ditën e sotme akuzat që i janë bërë se si udhëton me avion privat. Rama tha se ai udhëton me avionin e shtetit vetëm për udhëtime zyrtare pune, ndërsa në çdo udhëtim privat përdor klasin ekonomik. Rama shtoi gjithashtu se ndihma ka ardhur nga vende të tjera për shuarjen e zjarreve. Ai theksoi se kemi pasur një avion canader nga Italia, 2 nga Greqia, një canader nga Kroacia, 2 helikopterë nga Hungaria, 1 nga Çekia, 1 nga Sllovakia, 2 suedezë dhe dy black hock nga emiratet.

"Kemi pasur një avion canader nga Italia, 2 nga Greqia, një canader nga Kroacia, 2 helikopterë nga Hungaria, 1 nga Çekia, 1 nga Sllovakia, 2 suedezë dhe dy black hock nga emiratet, po të kishim vetë avionët tanë do të ishte akoma më mirë askush s’e mohon këtë kush i bën llogaritë duhet t’i rikthehet pak llogarive, avionët nuk janë një fjalë goje, disa pa mendje ose nga dëshira për ta besuar kanë ngrënë broçkullën e madhe se unë, qeveria paskemi blerë avion për veten, s’ka asnjë avion, avioni i shumëpërfolur i përdorur nga unë vetëm për udhëtime zyrtare, në çdo udhëtim privat unë marr avionët e linjës dhe jam rregullisht bashkë me familjen, gjithmonë, këtë e dëshmojnë të gjitha biletat, avioni i përdorur për udhëtime zyrtare nuk i kushton shtetit shqiptar më shumë tek shumatorja e shpenzimeve të kryera çdo vit nga kryeministri përfshirë nga mesatarja dhe me nder jush paraardhësin tim,' tha Rama. 

 

 

 

edi rama

Sondazh

Poll

MË SHUMË