TIRANË- Dalin pamjet e para të fisit Hajri në Gjykatë për pengmarrjen dhe vrasjen e 49-vjeçarit Jak (Jani) Prenga. Siç duket edhe nga pamjet dy kushërinjtë Hajri janë shfaqur buzagaz në kafazin e qelqtë.
Fillimisht duke qeshur kapet Leonard Hajri, i cili është vendosur në fund të ‘kafazit’, ndërsa në një moment tjetër kapet Eltoni. Ky i fundit shkëmben buzëqeshje me efektivin e Policisë, pasi ky i fundit i kërkoi që të çohej në këmbë.
Gjykata la sot në burg: Leonard Hajri 36 vjeç, (i dënuar më parë) babai i tij Bajram Hajri 64 vjeç, kushëriri i tij Elton Hajri 32 vjeç, një tjetër anëtar i familjes, Festim Bexhdili dhe shoku i tyre i ngushtë Olsi Turja 36 vjeç, të gjithë banues në Shijak. Ndërkohë në kërkim janë edhe 4 të tjerë, por dyshohet se të përfshirë janë edhe dy banda të tjera kriminale nga Shkodra dhe Vlora. Të arrestuarit akuzohen se kanë marrë peng 49-vjeçarin Prenga nga qyteti i Kamzës dhe menjëherë janë nisur për tek resort “Golden” në Shijak, i cili është në pronësi të Altin Hajrit
Rrëmbimi i Prengës u zbardh nga Policia e Shtetit 4 ditë më parë, ku u dhanë detaje për operacionin që u zhvillua në Shijak. 49-vjeçari i rrëmbyer, ndërroi jetë 7 orë pasi u mor peng dhe u varros në rrethinat e resortit. Rrëmbimi i Prengës ka ndodhur si pasojë e një konflikti për 283 kilogram kokainë, që i vëllai, Astriti nuk iu dha personave të mësipërm. Droga doli nga porti, por nuk shkoi kurrë në destinacion… Burime bëjnë me dije se Astriti nuk e dinte se e kujt ishte droga dhe në fakt mendonte se ia kishte marrë një anglezi. Pas një telefonate me Gramoz Rexhepin nga burgu i Ekuadorit, Astriti ka kuptuar gjithçka dhe ka kthyer pjesën që ai kishte marrë në vend. Por 110 kg kokainë nuk e ktheu sërish në jetë Prengën, i cili kishte kohë që kishte vdekur.
Dosja.al zbuloi të dhëna ekskluzive për 4 urdhëruesit që Prokuroria e Krimeve të Rënda, ka dyshimet kryesore se janë ata porositësit e pengmarrjes dhe vrasjes së Jak Prengës. Ata janë të skeduar prej vitesh për aktivitetin e tyre në vendet e Bashkimit Evropian dhe kokainës në Ekuador. Njëri prej tyre, njihet si Gramoz Dritan Rexhepi dhe akuzohet se është personi kyç që urdhëroi rrëmbimin e Jak Prengës. Ndërsa për sa i përket Altin Hajrit, pronari i kompleksit ‘Golden’ në Shijak ku vdiq Jan Prenga, dhe grupit të tij që e rrëmbyen, mendohet se kanë ekzekutuar vetëm urdhrin nga “kokat” e bandës. Në kërkim janë edhe 4 të tjerë. Dyshohet se të përfshirë janë edhe dy banda të tjera kriminale nga Shkodra dhe Vlora. Sipas kqyrjes së kamerave të sigurisë, dyshohet se rrëmbyesit ta kenë nxjerrë të pajetë trupin e Jan Prengës dhe ta kenë transportuar me një furgon të bardhë, tek i cili janë parë të futen disa persona me lopata, që dyshohet ta kenë groposur. Trupi i pajetë i Prengës, ende nuk është gjetur nga policia. Mësohet se një prej të arrestuarve ka pranuar që të bashkëpunojë por ende s’ka treguar vendndodhjen e trupit.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Babai i Elton Hajrit, Shkëlqim Hajri, ka folur për mediat menjëherë pas seancës në Gjykatën Penale, ku ndaj të birit u vendos “arrest me burg”.Ai u...
TIRANË- Të marrësh një abone është luks në Tiranë. Një video e publikuar sot nga JOQ vërteton këtë, pasi shihen dhjetëra qytetarë që presin në radhë pranë ...
Tiranë- Ditën e sotme Gjykata Penale ka dhënë sërish masën e sigurisë “arrest me burg” për 5 të arrestuarit për rrëmbimin dhe vrasjen e Jak (Jani) Prengës.Për ...
TIRANË– Zbardhen detaje nga seanca gjyqësore e të arrestuarve për pengmarrjen dhe vrasjen e Jak Prengës. Mësohet se në seancë të pandehurit janë shprehur s...
TIRANË- Gjykata ka vendosur sot masën e sigurisë “arrest në burg” për Igli Memaj, i cili akuzohet si një ndër personat që kanë bërë atentatin kudnër Inez H...
TIRANË– Pesë personat e arrestuar për rrëmbimin dhe vrasjen e Jan Prengës kanë dalë sot para Gjykatës për t’u njohur me masën e sigurisë. Gjatë seancës, Fe...
Dibër- Policia e Dibrës ka arrestuar 26-vjeçarin me inciale J.B pasi akzuohet se kryente vjedhje banesash dhe lokalesh në qytetin e Peshkopisë. Policia ...
Ballsh-Ditën e sotme naftëtarët e rafinerisë së Ballshit kanë dalë sërish në protestë pasi nuk kanë marrë prej 4 mujash rrogat. Ata kërkojnë një zgjidhje nga ...
FIER– Policia e Fierit ka arrestuar 4 persona të një grupi të rrezikshëm në qytetin e Fierit, pasi akuzohen për vjedhje nëpër banesa. Katër personat janë arrest...
TIRANË- Gjykata Penale ka vendosur sot masën e sigurisë “arrest me burg” për 5 të arrestuarit për rrëmbimin dhe vrasjen e Jak (Jani) Prengës. Para trupës g...